កាហ្វេខ្មៅ គឺជាភេសជ្ជៈដ៏ពេញនិយមមួយ ដែលកំពុងទទួលបានប្រជាប្រិយភាពទូទាំងពិភពលោក។ មនុស្សជាច្រើនជឿថាកាហ្វេខ្មៅមានអត្ថប្រយោជន៍ជាច្រើនចំពោះសុខភាព ប៉ុន្តែក៏មានការយល់ខុសមួយចំនួនអំពីកាហ្វេខ្មៅផងដែរ។ ដូច្នេះហើយ ខាងក្រោមនេះគឺជាការយល់ខុសចំនួន ៥ អំពីកាហ្វេខ្មៅ៖
១.ផឹកកាហ្វេខ្មៅបណ្តាលឱ្យខ្សោះជាតិទឹក៖ ការយល់ខុសនេះកើតចេញពីជំនឿថា ជាតិកាហ្វេអ៊ីនជាថ្នាំបញ្ចុះទឹកនោម ដែលជំរុញឱ្យរាងកាយបញ្ចេញទឹកនោមកាន់តែច្រើន ដូច្នេះវានឹងបណ្តាលឱ្យបាត់បង់ជាតិទឹក។ ទោះជាយ៉ាងណាក៏ដោយ យោងតាមការសិក្សាបានរកឃើញថាការផឹកកាហ្វេខ្មៅក្នុងបរិមាណធម្មតាមិនបណ្តាលឱ្យរាងកាយខ្សោះជាតិទឹកអ្វីឡើយ។
២.កាហ្វេខ្មៅជួយសម្រកទម្ងន់៖ កាហ្វេខ្មៅជួយជំរុញការរំលាយអាហារ ប៉ុន្តែវាមិនអាចជួយអ្នកសម្រកទម្ងន់ដោយផ្ទាល់នោះទេ កាហ្វេខ្មៅអាចធ្វើឱ្យអ្នកមានអារម្មណ៍ស្វាហាប់ និងស្រស់ថ្លាជាងមុនតែប៉ុណ្ណោះ។
៣.ផឹកកាហ្វេខ្មៅបង្កឱ្យមានជំងឺបេះដូង៖ ការសិក្សាមួយចំនួនបានរកឃើញថាការផឹកកាហ្វេខ្មៅក្នុងបរិមាណច្រើនអាចបង្កើនហានិភ័យនៃជំងឺបេះដូង។ ទោះជាយ៉ាងណាក៏ដោយ យោងតាមអ្នកជំនាញ បានឱ្យដឹងថា ការផឹកកាហ្វេខ្មៅក្នុងបរិមាណធម្មតាមិនបង្កើនហានិភ័យនៃជំងឺបេះដូងនោះទេ។
៤.ផឹកកាហ្វេខ្មៅបង្កឱ្យមានជំងឺមហារីក៖ ពិតណាស់ ការផឹកកាហ្វេខ្មៅក្នុងបរិមាណច្រើនអាចបង្កើនហានិភ័យនៃជំងឺមហារីកមួយចំនួន។ ទោះជាយ៉ាងណាក៏ដោយ ការសិក្សាភាគច្រើនបានរកឃើញថាការផឹកកាហ្វេខ្មៅក្នុងបរិមាណធម្មតាមិនបង្កើនហានិភ័យនៃជំងឺមហារីកឡើយ។
៥.កាហ្វេខ្មៅធ្វើឱ្យអ្នកគេងមិនលក់៖ ជាតិកាហ្វេអ៊ីនគឺជាភ្នាក់ងាររំញោច ដែលនេះអាចបណ្តាលឱ្យគេងមិនលក់។ ទោះជាយ៉ាងណាក៏ដោយ ការផឹកកាហ្វេខ្មៅនៅពេលព្រឹក ឬពេលថ្ងៃគឺធ្វើឱ្យអ្នកគេងលក់បានធម្មតាទេ៕
ប្រភព៖sanook
