នៅលើវេទិកាអនឡាញ អ្នកគាំទ្របានភ្ញាក់ផ្អើលជាមួយនឹងក្តីរំភើប នៅពេលដែលពួកគេប្រទះឃើញ Rosé សមាជិក BLACKPINK ចេញពីស្ទូឌីយ៉ូថតតែមួយជាមួយតារាលំដាប់ពិភពលោក Taylor Swift ។ បន្ទាប់ពីឃើញដូចនេះអ្នកគាំទ្រសង្ឃឹមថាទំនាក់ទំនងល្អរបស់ពួកគេនាថ្ងៃអនាគតឬពេលឆាប់ៗខាងមុខនឹងមានការសហការចេញបទចម្រៀងជាមួយគ្នាផងដែរ។
ចំណងជើងធំៗនាពេលថ្មីៗនេះនៅក្នុងប្រព័ន្ធផ្សព្វផ្សាយក្នុងស្រុកបានរាយការណ៍ថាកំពូលតារាចម្រៀងប៉ុប Taylor Swift បានរៀបចំពិធីជប់លៀងនៅ Electric Lady Studios កាលពីថ្ងៃទី ៩ ខែកញ្ញា ដោយមានការរាយការណ៍ថាមានសិល្បករល្បី ៗ ជាច្រើនរួមមានក្នុងនោះក៏មានវត្តមានរបស់ Roséសមាជិក BLACKPINK ដែលធ្វើឱ្យមានការរំពឹងទុកក្នុងចំណោមអ្នកគាំទ្រ។
ហេតុការណ៍នេះបានធ្វើឱ្យអ្នកនិយមលេងអ៊ីនធឺណិតគិតថា Rosé អាចនឹងមានវត្តមានលើអាល់ប៊ុមខាងមុខរបស់ Taylor Swift។ អ្នកប្រើអ៊ីនធឺណិតដែលបានឮដំណឹងនេះបានបញ្ចេញមតិរបស់ពួកគេដោយសង្ឃឹមថា Taylor Swift និង Rosé ក្លាយជាមិត្តស្និទ្ធស្នាលនឹងគ្នាហើយពួកគេក៏ចង់ឃើញការសហការឆាប់នេះរវាងអ្នកទាំងពីរដែលសុទ្ធតែតារាលំដាប់ពិភពលោក។
Taylor Swift គឺជាតារាចម្រៀង-អ្នកនិពន្ធបទចម្រៀងដែលបានបង្ហាញខ្លួនដំបូងក្នុងឆ្នាំ ២០០៦ ហើយត្រូវបានជ្រើសរើសដោយ Billboard ជាសិល្បការិនីដែលទទួលបានជោគជ័យបំផុតនៃទសវត្សរ៍ឆ្នាំ ២០១០ ។ នៅសហរដ្ឋអាម៉េរិក Taylor Swift មានប្រជាប្រិយភាពមិនគួរឱ្យជឿជាពិសេសក្នុងចំណោមមនុស្សជំនាន់ក្រោយ។ កាលពីខែកក្កដាឆ្នាំមុន អ្នកគាំទ្ររបស់នាងបានលោត និងរាំជាមួយគ្នាអំឡុងពេលការប្រគំតន្ត្រីរបស់នាងជាមួយ Taylor Swift ដោយអចេតនាដែលបានបង្កឱ្យមានការរញ្ជួយដីកម្រិត ២.៣ រិចទ័រ។
ទន្ទឹមនឹងនេះដែរ Rosé Blackpink ក៏មិនអន់ដូចគ្នាមានការទទួលស្គាល់យ៉ាងខ្លាំងនៅក្នុងវិស័យចម្រៀង K Pop ស្ថិតក្នុងក្រុមចម្រៀងដ៏មានឥទ្ធិពលរបស់កូរ៉េខាងត្បូងដែលបានបំបែកកំណត់ត្រាជាច្រើននៅក្នុងដៃ៕
