ដូចប្រិយមិត្តបានជ្រាបមកហើយថា សុខុម រចនា កូនក្រុមរបស់គ្រូបង្វឹកអ្នកនាងឱក សុគន្ធកញ្ញា ត្រូវធ្លាក់ចេញពីកម្មវិធីប្រលងចម្រៀងក្នុងវគ្គ Live Show សប្តាហ៍ទី១។ ទោះជាយ៉ាងណា ក្រោយពីបរាជ័យអ្នកខេត្តបាត់ដំបងរូបនេះបានសន្យាថានឹងមិនបោះបង់អ្វីដែលខ្លួនឯងស្រលាញ់ឡើយព្រមទាំងខិតខំបន្តទៀតដើម្បីជោគជ័យថ្ងៃណាមួយ។.jpg)
កម្មវិធីលំដាប់ពិភពលោក The Voice Cambodia រដូវកាលទី៣ ក្នុងវគ្គ Live Show សប្តាហ៍ទី១បានបញ្ចប់ហើយដោយក្នុង១ក្រុមៗត្រូវជម្រុះចេញម្នាក់ក្នុងនោះរួមមានបេក្ខជន វង ជីវ័ន្ត កូនក្រុមរបស់ ពេជ្រ សោភា បេក្ខនារី ឈិន ស្រីណុច កូនក្រុមរបស់ ណុប ប៉ាយារិទ្ធ បេក្ខនារី សុខុម រចនា កូនក្រុម ឱក សុគន្ធកញ្ញា និង បេក្ខជន សឿន មុនីរ័ត្ន កូនក្រុម ឆន សុវណ្ណារាជ ត្រូវជម្រុះចេញពីកម្មវិធីនេះ។ ក្នុងចំណោមបេក្ខជន បេក្ខនារីដែលត្រូវឃ្លាតចេញពីកម្មវិធីនេះគេសង្កេតឃើញថា សុខុម រចនា ជាបេក្ខនារីដែលទទួលបានការចាប់អារម្មណ៍ច្រើនពីមហាជន ទាំងការគាំទ្រ និងរងនូវមតិរិះគន់។
ទន្ទឹមនឹងបរាជ័យការប្រលងចម្រៀងរបស់ សុខុម រចនា សាធារណជនវិញបានបញ្ចេញមតិទាំងវិជ្ជមាន និងអវិជ្ជមានចំពោះលទ្ធផលនេះ ទោះបីជាយ៉ាងនេះក្តី សុខុម រចនា បានបង្ហើបពីអារម្មណ៍របស់ខ្លួនមិនបោះបង់នៅអ្វីដែលខ្លួនស្រលាញ់ឡើយ។
នៅលើ Story របស់ រចនា នាងបានសរសេរយ៉ាងដូច្នេះថា «ខ្ញុំសន្យានឹងមិនបោះបង់ទេ ធ្វើអ្វីដែលខ្លួនឯងស្រលាញ់ បរាជ័យថ្ងៃនេះប៉ុន្តែខ្ញុំនឹងខិតខំដើម្បីជោគជ័យថ្ងៃណាមួយ»។ ក្រោយពីឃើញពីការតាំងចិត្តរបស់នាងដូច្នេះហើយ ហ្វេនរបស់ សុខុម រចនា ក៏បានលើកទឹកចិត្តទៅរូបនាងផងដែរ។
គួរបញ្ជាក់ផងដែរថា នៅក្នុងវគ្គ Live Show រចនា បានបកស្រាយបទចម្រៀងមួយបទមានចំណងជើងថា «កាលុងឃុង» ហើយត្រូវប៉ះបេក្ខនារីជើងខ្លាំងនៅក្នុងក្រុម សុខ សារ៉ាវីតានិង គឹម សុវណ្ណ ដោយ សុខ សារ៉ាវីតា ទទួលបានសំឡេងផ្ញើសារច្រើនជាងគេនៅក្នុងក្រុមហើយអ្នកនាង ឱក សុគន្ធកញ្ញា សម្រេចជ្រើសបេក្ខនារី គឹម សុវណ្ណ៕
