អ្នកគាំទ្របានរកឃើញថាបទចម្រៀង «You and Me» របស់ Jennie ដែលមិនទាន់ចេញផ្សាយជាផ្លូវការ ហើយត្រូវបានតារាចម្រៀងរូបនេះយកមកសម្តែងនៅក្នុងអំឡុងពេលដំណើរទេសចរណ៍ពិភពលោក «Born Pink» ត្រូវបានផ្តល់អាជ្ញាប័ណ្ណដោយសមាគមអ្នកនិពន្ធ អ្នកនិពន្ធ និងបោះពុម្ពផ្សាយអាម៉េរិក (ASCAP)ហើយ។ នេះបើយោងតាមការផ្សាយរបស់សារព័ត៌មាន Allkpop នាថ្ងៃទី១០ ខែសីហា។
សមាគមអ្នកនិពន្ធ អ្នកនិពន្ធ និងអ្នកបោះពុម្ពផ្សាយរបស់អាម៉េរិកត្រូវបានគេស្គាល់ថាផ្តល់អាជ្ញាប័ណ្ណដល់សិទ្ធិសម្តែងជាសាធារណៈនៃការងារតន្ត្រីទៅកាន់ទីកន្លែង កន្លែងផ្សាយ និងសេវាកម្មស្ទ្រីមឌីជីថល។ ផ្អែកលើការផ្តល់អាជ្ញាបណ្ណបទ «You and Me» របស់ Jennie អ្នកខ្លះបានលើកឡើងពីការរំពឹងទុកមានការកើនឡើងខ្ពស់ថា Jennie ប្រហែលជាកំពុងរៀបចំសម្រាប់ការវិលត្រលប់មកវិញជាមួយបទទោលម្តងទៀតបន្ទាប់ពីបទទោលរបស់នាងមានចំណងជើងថា «Solo» បានចេញកាលពីឆ្នាំ២០១៨ ។
លើសពីនេះទៅទៀត អ្នកខ្លះជឿថា លទ្ធភាពនៃការវិលត្រលប់មកវិញជាមួយបទទោលរបស់ Jennie នៅតែជាតម្រុយមួយទៀតឆ្ពោះទៅរកការបន្តកុងត្រាថ្មីរបស់ BLACKPINK ជាមួយផលិតកម្ម YG Entertainment ហើយសមាជិកក្រុមនេះត្រូវបានគេរំពឹងថានឹងឈានដល់ការសម្រេចចិត្តលើការបន្តកិច្ចសន្យាផ្តាច់មុខរបស់ពួកគេនៅចុងខែនេះ៕
