អាហារដែលមានហានិភ័យខ្ពស់ក្នុងការវិវត្តទៅជាជំងឺ “គ្រួសក្នុងតម្រងនោម”

គ្រួសក្នុងតម្រងនោម គឺជាគ្រីស្តាល់រឹងដែលបង្កើតនៅក្នុងទឹកនោម និងអាចបណ្តាលឱ្យមានការឈឺចាប់ធ្ងន់ធ្ងរ។ មូលហេតុដែលបង្កឱ្យមានជំងឺគ្រួសក្នុងតម្រងនោមនេះកើតឡើងគឺដោយសារ ការទទួលទានរបបអាហារដែលមិនត្រឹមត្រូវ ព្រមទាំងខ្វះជាតិទឹក ក៏ដូចជាទឹកនោមមានសារធាតុគីមីជាដើម។ ដូច្នេះហើយខាងក្រោមនេះគឺជាអាហារដែលអ្នកគួរជៀសវាង៖

១.អាហារដែលមានជាតិសូដ្យូមខ្ពស់៖ សូដ្យូមគឺជាផ្នែកមួយនៃអំបិល ការទទួលទានជាតិសូដ្យូមច្រើនពេកអាចបណ្តាលឱ្យអ្នកប្រឈមនឹងជំងឺគ្រួសក្នុងតម្រងនោម ដូចនេះសូមជៀសវាងអាហារដូចជា សាច់កំប៉ុង បន្លែកំប៉ុង អាហាររហ័ស និងអាហារវេចខ្ចប់ ជាដើម។

២.អាហារដែលមានជាតិ Oxalates៖ Oxalates អាចការពាររាងកាយរបស់អ្នកពីការស្រូបយកជាតិកាល់ស្យូម ដូច្នេះកម្រិតកាល់ស្យូមក្នុងទឹកនោមរបស់អ្នកនឹងកើនឡើងខ្លាំង ដែលបណ្តាលឱ្យមានជំងឺគ្រួសក្នុងតម្រងនោម។ ដូចនេះសូមជៀសវាងអាហារដូចជា សូកូឡា ដំឡូង ផលិតផលសណ្តែកសៀង និងតែខ្មៅ។

៣.អាហារប្រូតេអ៊ីនខ្ពស់៖ ការទទួលទានសារធាតុប្រូតេអ៊ីនច្រើនពេកអាចបង្កើនកម្រិតអាស៊ីតអ៊ុយរិក និងបង្កើនហានិភ័យនៃជំងឺគ្រួសក្នុងតម្រងនោម ដូចនេះសូមជៀសវាងអាហារដូចជា សាច់ជ្រូក សាច់គោ សាច់មាន់ ស៊ុត ត្រី និងទឹកដោះគោ ដោយងាកទៅទទួលទានបន្លែបៃតង និងផ្លែឈើស្រស់ៗវិញ ទើបល្អសម្រាប់តម្រងនោមរបស់អ្នក៕ ប្រភព៖sanook