កម្ពុជានឹងរៀបចំការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣ខាងមុខនេះ ដែលតម្រូវអោយបងប្អូនប្រជាពលរដ្ឋគ្រប់អាយុបោះឆ្នោត និងបានចុះឈ្មោះបោះឆ្នោត អាចទៅបោះបាន នៅតាមការិយាល័យរៀងខ្លួន ដោយត្រូវបានរៀបចំពីគណៈកម្មការជាតិរៀបចំការបោះឆ្នោត គ.ជ.ប។
ទន្ទឹមនឹងការពិបាករកការិយាល័យបោះឆ្នោត គ.ជ.ប បានចេញនៅគេហទំព័រ Voterlist ដែលអនុញ្ញាតអោយប្រជាពលរដ្ឋគ្រប់អាយុបោះឆ្នោត និងបានចុះឈ្មោះបោះឆ្នោត ងាយស្រួលក្នុងការស្វែងរកឈ្មោះ និងទិន្នន័យអ្នកបោះឆ្នោតក្នុងបញ្ជីបោះឆ្នោត ឱ្យអ្នកដែលបានចុះឈ្មោះនៅតាមឃុំសង្កាត់របស់ខ្លួន។
ជំហានដំបូងលោកអ្នកគ្រាន់តែ:
- វាយឈ្មោះខេត្ត ឬរាជាធានី
- បន្ទាប់មកឈ្មោះ ឃុំ-សង្កាត់
- ចុងក្រោយឈ្មោះរបស់លោកអ្នក ជាការស្រេច
សូមបញ្ជាក់ផងដែរថាប្រមុខរដ្ឋាភិបាលបានកំណត់បានកាលបរិច្ឆេទនៃការបោះឆ្នោតជ្រើសតាំងតំណាងរាស្ត្រនីតិកាលទី៧ នៅអាទិត្យ ទី២៣ ខែកក្កដា ឆ្នាំ២០២៣៕
