រូបមន្ត ៤ យ៉ាងដើម្បីថែរក្សាដៃឱ្យស្រឡូន

មនុស្សស្រីភាគច្រើនតែងតែត្អូញត្អែររឿងដៃរបស់ខ្លួនមិនស្អាត មិនស្រឡូន គ្រើម ដៃធំដូចប្រុស និង មិនសូវមានទំនុកចិត្តក្នុងការប៉ះដៃអ្នកដទៃឡើយ។ ដូច្នេះហើយខាងក្រោមនេះគឺជារូបមន្ត ៤ យ៉ាងដើម្បីថែរក្សាដៃឱ្យស្រឡូន និងស្រស់ស្អាត៖

១.រូបមន្តសម្រាប់ស្បែកដៃទន់រលោង៖ ដើម្បីចិញ្ចឹមស្បែកនៅលើដៃឱ្យរលោង និងទន់ អ្នកនឹងត្រូវរៀបចំទឹកឃ្មុំ ១ស្លាបព្រាបាយ និងប៊ឺ ៣ស្លាបព្រាបាយ ដោយលាយគ្រឿងផ្សំទាំងពីរនេះចូលគ្នា បន្ទាប់មកលាបវាឱ្យសព្វលើស្បែកដៃ រួចទុកប្រហែល ១០នាទី លាងទឹកចេញជាការស្រច។

២.រូបមន្តដោះស្រាយបញ្ហាដៃស្ងួត៖ ដើម្បីដោះស្រាយបញ្ហាដៃស្ងួតបានយើងត្រូវលាយ គ្លីសេរីន ១ស្លាបព្រាបាយ, ប្រេងអូលីវ ១ស្លាបព្រាបាយ, ប្រេងអាល់ម៉ុន ១ស្លាបព្រាបាយ, ទឹកក្រូចឆ្មារ ២០មីលីលីត្រ, និងស៊ុតលឿង ១ គ្រាប់ លាយចូលគ្នា រួចលាបនៅលើដៃ ទុកចោលប្រហែល ២៥ នាទី លាងទឹកចេញជាការស្រេច។

៣.រូបមន្តដោះស្រាយបញ្ហាដៃគ្រើម៖ ដើម្បីដោះស្រាយបញ្ហាដៃគ្រើម អ្នកត្រូវលាយ aloe vera gel ចំនួន ២ស្លាបព្រា, រួមជាមួយប្រេង sunflower ២ស្លាបព្រា បន្ទាប់មកលាបលើដៃណាដែលគ្រើម ទុកចោល ២០នាទី រួចលាងទឹកចេញជាការស្រេច។

៤.រូបមន្តកាត់បន្ថយបញ្ហាដៃខ្មៅ៖ សម្រាប់មនុស្សស្រីជាច្រើនតែងជួបប្រទះនឹងបញ្ហាដៃខ្មៅ ឬដៃជាំ នៅពេលដែលជិះម៉ូតូហាលថ្ងៃដោយមិនពាក់ស្រោមដៃ។ ដូចនេះយើងត្រួវយកសំបកស៊ុតមកបុក ហើយបន្ថែមស៊ុតសបន្តិចចូលច្របល់គ្នា រួចជូតពាសពេញដៃហើយទុកចោលប្រហែល ១០ នាទី លាងទឹកចេញជាការស្រេច ៕ ប្រភព៖sanook