ភាពតានតឹង និងថប់បារម្ភគឺតែងតែកើតមានជាទូទៅក្នុងជីវិតប្រចាំថ្ងៃរបស់មនុស្សយើង។ ក្នុងអំឡុងពេលដែលយើងកំពុងមានអារម្មណ៍តានតឹងខ្លាំង ការទទួលទានភេសជ្ជៈដែលត្រឹមត្រូវមួយចំនួន ក៏អាចបំបាត់ភាពតានតឹង និងថប់បារម្ភ យ៉ាងមានប្រសិទ្ធភាពផងដែរ។ ដូច្នេះហើយខាងក្រោមនេះគឺជាភេសជ្ជៈទាំង ៥ ដែលមានប្រសិទ្ធភាពបំផុតក្នុងការបំបាត់ភាពតានតឹង និងថប់បារម្ភ ដែលមានដូចជា៖
១.តែបៃតង៖ យោងតាមការស្រាវជ្រាវបានរកឃើញថា តែបៃតង អាចជួយបង្កើនមុខងារខួរក្បាល ធ្វើអោយអារម្មណ៍ប្រសើរឡើង និងជួយកាត់បន្ថយភាពតានតឹងផងដែរ។
២.ទឹកខ្ញី៖ ទឹកខ្ញី មានផ្ទុកនូវសារធាតុប្រឆាំងអុកស៊ីតកម្មដែលបង្កើនប្រសិទ្ធភាពនៃប្រព័ន្ធសរសៃប្រសាទ ប្រឆាំងនឹងការខូចខាតដែលបណ្តាលមកពីភាពតានតឹងអុកស៊ីតកម្ម និងជួយកាត់បន្ថយរោគសញ្ញានៃជំងឺធ្លាក់ទឹកចិត្តផងដែរ។
៣.ទឹកដោះគោក្តៅ៖ ការផឹកទឹកដោះគោក្តៅមុនពេលចូលគេងអាចជួយឱ្យអ្នកគេងលក់ស្រួលជាងមុន ជួយសម្រួលទាំងផ្លូវកាយ និងផ្លូវចិត្ត ធ្វើឱ្យរាងកាយមានអារម្មណ៍ធូរស្រាល និងងងុយគេងភ្លាមៗ។
៤.ទឹកក្រូចស្រស់៖ ការទទួលទានទឹកក្រូចស្រស់ធ្វើឱ្យអ្នកមានអារម្មណ៍ស្រស់ស្រាយ ព្រោះទឹកក្រូចស្រស់មានផ្ទុកសារធាតុចិញ្ចឹម និងវីតាមីន C ដែលអាចជួយកាត់បន្ថយកម្រិតនៃភាពតានតឹង និងការពារការថប់បារម្ភផងដែរ។
៥.តែ chamomile៖ តែ chamomile មានលក្ខណៈសម្បត្តិបន្ធូរអារម្មណ៍ និងជួយយើងឱ្យគេងលក់ស្រួល លើសពីនេះ វាក៏ជួយកាត់បន្ថយការថប់បារម្ភ និងការពារភាពតានតឹងដែលបំផ្លាញសុខភាពរបស់យើងផងដែរ៕ ប្រភព៖sanook