ថ្លើម គឺជាសរីរាង្គដែលជួយបំផ្លាញជាតិពុលនៅក្នុងកោសិកា និងផលិតកាកសំណល់ពីឈាម បង្កើតភាពស៊ាំប្រឆាំងនឹងមេរោគ ផលិតទឹកប្រមាត់សម្រាប់ការរំលាយអាហារ និងស្រូបយកវីតាមីនរលាយក្នុងប្រេង…ជាដើម។ ទោះជាយ៉ាងណាក៏ដោយ ប្រសិនបើថ្លើមខូច ឬក្រិន នៅពេលដែលវាដំណើរការខុសប្រក្រតី រាងកាយរបស់អ្នកពិតជាចុះខ្សោយខ្លាំងណាស់។ ដូច្នេះហើយខាងក្រោមនេះគឺជារោគសញ្ញានៃជំងឺក្រិនថ្លើម៖
ជំងឺក្រិនថ្លើមចែកចេញជា ២ ដំណាក់កាលគឺ ៖
ដំណាក់កាលទីមួយ ៖ ជាដំណាក់កាលស្ងាត់ស្ងៀម ទោះបីជាថ្លើមចាប់ផ្ដើមរឹងក៏ដោយក៏មិនទាន់មានផលវិបាក នឹងមិនមានរោគសញ្ញានោះទេ។ អ្នកជម្ងឺនៅប្រកបការងារបានធម្មតា ហើយជួនកាលមិនដឹងខ្លួនថាមានជំងឺក្រិនថ្លើមទៀតផង។
ដំណាក់កាលទីពីរ ៖ ជាដំណាក់កាលធ្ងន់ធ្ងរ ដែលអ្នកជំងឺមានលេចចេញជាអាការៈហើមដៃ ហើមជើង លឿងភ្នែក មានទាចទឹក ចេញឈាមតាមប្រព័ន្ធរំលាយអាហារ ជួនកាលអាចបណ្ដាលឱ្យអ្នកជំងឺសន្លប់ទៀតផង។
មូលហេតុដែលបង្កឱ្យមានជំងឺក្រិនថ្លើមមានដូចជា៖
១.ការប្រើគ្រឿងប្រាស់គ្រឿងស្រវឹងច្រើនពេក
២.មានផ្ទុកជំងឺរលាកថ្លើមប្រភេទ B, C និង D
៣.ការប៉ះពាល់រយៈពេលយូរទៅនឹងថ្នាំមួយចំនួន
៤.ការប៉ះពាល់នឹងជាតិពុលរយៈពេលយូរ
៥.ការជក់បារីលើសកំណត់
៦.មានផ្ទុកជំងឺខ្សោយបេះដូងដែលកើតម្តងហើយម្តងទៀត៕ ប្រភព៖sanook
