ជប៉ុន៖ យោងតាមកំណត់ត្រាពិភពលោក Guinness ការ៉េម BYAKUYA ឬ WHITE NIGHT មានតម្លៃ ៨៧៣,០០០ យ៉េន (ស្មើនឹង ៦,២៧០ ដុល្លារ) ដែលជាប់ឈ្មោះជាការ៉េមដ៏ថ្លៃបំផុតនៅលើពិភពលោក។
នៅក្នុងការ៉េម BYAKUYA មានគ្រឿងផ្សំដូចជា ត្រកួនពណ៌សរបស់អ៊ីតាលី ផ្សិតដ៏ល្បីដែលមានតម្លៃដល់ទៅ ២លានយ៉េន (១៤.៥០០ដុល្លារ) ក្នុងមួយគីឡូ។ លើសពីនេះ BYAKUYA ក៏បានរួមបញ្ចូលនូវគ្រឿងផ្សំផ្សេងទៀតដូចជាក្រដាសមាស ឈីសថ្លៃៗចំនួនពីរ និងសាខេកាស៊ូ។
នៅក្នុងភាសាជប៉ុន BYAKUYA មានន័យថា “រាត្រីពណ៌ស”។ កំពូលចុងភៅ ដែលតំណាងក្រុមហ៊ុន Cellato ដែលជាអង្គភាពផលិត និងចែកចាយការ៉េម BYAKUYA បាននិយាយថា គាត់ចំណាយពេលជាងមួយឆ្នាំកន្លះក្នុងការអភិវឌ្ឍន៍ និងពិសោធន៍ដើម្បីបង្កើតរសជាតិប្លែកសម្រាប់មុខម្ហូបនេះ។ ដូច្នេះហើយអ្នកដែលបានញ៉ាំការ៉េមថ្មីមួយនេះពួកគេបានសសើរថា “រសជាតិសម្បូរបែប និងជាការ៉េមដែលមានរសជាតិឆ្ងាញ់ជាងគេបំផុត” ។
ក្រុមហ៊ុនផលិតការ៉េមនិយាយថា បេសកកម្មរបស់ខ្លួនមិនត្រឹមតែបង្កើតបង្អែមថ្លៃៗប៉ុណ្ណោះទេ ប៉ុន្តែដើម្បីបង្កើត ដំណើរផ្សងព្រេងធ្វើម្ហូប ពីការលាយបញ្ចូលគ្នានៃគ្រឿងផ្សំបែបអឺរ៉ុប និងប្រពៃណីរបស់ជប៉ុន។ គួរបញ្ជាក់ដែរថា ការ៉េម BYAKUYA មានលក់តែក្នុងប្រទេសជប៉ុននោះទេ នឹងដឹកជញ្ជូនដោយផ្ទាល់ដល់អតិថិជនដែលត្រូវការការ៉េមនេះ៕ ប្រភព៖vnexpress