អត្តពលិកសិង្ហបុរី សុំមិត្តស្រីរៀបការនៅឆ្នេរខេត្តកែប ក្រោយឈ្នះមេដាយជូនជាតិ (មានវីដេអូ)

កាលពីថ្ងៃចន្ទ កន្លងទៅអត្តពលិកសិង្ហបុរី លោក Bryce Chong បានដណ្តើមបានមេដាយសំរឹទ្ធមួយគ្រឿជូនជាតិ នៅលើវិញ្ញាសាទ្រីយ៉ាត្លុង ក្រោយមកមិនចាំយូររូបគេក៏បានសុំមិត្តស្រីរបស់ខ្លួនរៀបការតែម្តង នៅលើឆ្នេរកែបដ៏ស្រស់ស្អាតរបស់កម្ពុជា។

លោក Bryce Chong បានលើកឡើងថា៖” ការប្រកួតសុីហ្គេមខ្ញុំធ្វើបានយ៉ាងល្អ គ្មានការភ័យខ្លាចអ្វីទាំងអស់ ក៏ប៉ុន្តែពេលដែលខ្ញុំសុំមិត្តស្រីរៀបការ ខ្ញុំហាក់បីដូចជាញ័រដៃ ភ័យខ្លាច  សូម្បីតែបេះដូចក៏សឹងតែលោតខុសចង្វាក់ផងដែរ។ តែយ៉ាងណាវិញចម្លើយរបស់មិត្តស្រីខ្ញុំគឺគាត់ (យល់ព្រមទទួលយកខ្ញុំ) វាបានធ្វើឱ្យខ្ញុំមានអារម្មណ៍រំភើបរកអ្វីមកប្រៀបពុំបាននោះទេ”។

សូមបញ្ជាក់ផងដែរថាលោក Bryce Chong គឺជាអត្តពលិកដំបូងគេដែលឈ្នះមេដាយសំរិទ្ធឱ្យសិង្ហបុរី សម្រាប់វិញ្ញាសាអាគ័រត្លុងផ្នែកបុរស នៅព្រឹត្តិការណ៍សុីហ្គេម២០២៣នេះ៕