មិត្តនារីណាដែលមានបញ្ហាស្នាមអុចខ្មៅនៅក្លៀក ហើយខ្វះទំនុកចិត្តក្នុងការពាក់អាវគ្មានដៃ រឺវាលក្លៀក ថ្ងៃនេះយើងនឹងណែនាំអ្នកឱ្យព្យាបាលស្នាមអុចខ្មៅទាំងនោះដោយរូបមន្តធម្មជាតិ។ ខ្ញុំសូមប្រាប់អ្នកថារូបមន្តនីមួយៗ យើងអាចធ្វើតាមយ៉ាងងាយស្រួល និងមិនពិបាកក្នុងការស្វែងរកវត្ថុធាតុដើមផងដែរ។
1. រូបមន្តទឹកក្រូចឆ្មា
ចូរចាប់ផ្តើមជាមួយនឹងរូបមន្ត lemonade ។ សម្រាប់រូបមន្តនេះ រៀបចំក្រូចឆ្មាមួយដុំ ហើយកាត់វាជាពីរផ្នែក។ បន្ទាប់មកយកក្រូចឆ្មាមកខាត់ស្បែកជុំវិញក្លៀកថ្នមៗ ដោយដុសប្រហែល ៣ នាទី ហើយទុកចោលប្រហែល ៥ នាទី រួចលាងចេញដោយទឹកត្រជាក់។ ការធ្វើបែបនេះប្រហែល ៣ ដងក្នុងមួយសប្តាហ៍ គឺវានឹងជួយកាត់បន្ថយស្នាមខ្មៅនៅក្លៀក។ នេះក៏ដោយសារតែការប្រមូលផ្តុំអាស៊ីតនៃក្រូចឆ្មាវានឹងជួយកម្ចាត់កោសិកាស្បែកដែលងាប់ និងធ្វើឱ្យស្បែកសបន្តិចម្ដងៗ។2. រូបមន្ត Aloe vera
រូបមន្តនេះគឺ យក aloe vera gel មកម៉ាស្សាថ្នមៗ នៅតំបន់ក្លៀក បន្ទាប់មកទុកវាចោលប្រហែល 20 នាទី សឹមលាងចេញជាមួយទឹកក្តៅឧណ្ហៗ។ ការធ្វើបែបនេះនឹងជួយឱ្យស្បែកក្លៀកស និងរលោង។ ដោយសារតែ aloe vera មានលក្ខណៈសម្បត្តិប្រឆាំងនឹងបាក់តេរី ហើយជួយធ្វើអោយស្បែកទន់រលោងផងដែរ។ ចំពោះរូបមន្តនេះយើងអាចធ្វើវាបានជារៀងរាល់ថ្ងៃបាន។3. រូបមន្តដំឡូង
រូបមន្តនេះយើងត្រូវរៀបចំដំឡូងបារាំង ១ផ្លែ រួចច្របាច់យកតែទឹកប៉ុណ្ណោះ ហើយយកមកលាបលើក្លៀកទុកចោលប្រហែល 10 នាទី សឹមលាងចេញជាមួយនឹងទឹកត្រជាក់។ យើងអាចធ្វើ 2 ដងក្នុង 1 ថ្ងៃ ដើម្បីជួយឱ្យស្បែកក្លៀកភ្លឺ ហើយក៏ជួយកាត់បន្ថយភាពរដុបនៃស្បែកនៅក្លៀកផងដែរ។4. Apple Cider
ចំពោះរូបមន្តនេះគឺងាយស្រួលជាងគេ ដោយមិត្តនារីគា្រន់តែយកទឹកខ្មេះប៉ោមលាយជាមួយទឹក។ បន្ទាប់មកយកសំឡីជ្រលក់ចូលទៅក្នុងនោះ រួចជូតថ្នមៗលើក្លៀក និងទុកវាចោលប្រហែល ១០ នាទី រួចលាងសម្អាតជាមួយទឹកក្ដៅឧណ្ហៗ។ អាស៊ីតអាមីណូ និងអាស៊ីតឡាក់ទិកជួយកម្ចាត់កោសិកាស្បែកងាប់យ៉ាងមានប្រសិទ្ធភាព។5. រូបមន្តប្រេងដើមតែ
រូបមន្តប្រេងដើមនេះគឺលាយប្រេងដើមតែជាមួយទឹក ហើយចាក់ចូលក្នុងដបបាញ់នៅក្លៀកជាការស្រេច។វិធីនេះនឹងជួយព្យាបាល និងកាត់បន្ថយស្នាមខ្មៅបានយ៉ាងល្អ។ សំខាន់រូបមន្តនេះក៏អាចជួយបំបាត់ក្លិនមាត់បានផងដែរ។ ដោយសារតែប្រេងដើមតែមានលក្ខណៈសម្បត្តិប្រឆាំងនឹងអតិសុខុមប្រាណ។
នារីណាដែលចង់បានភាពជឿជាក់លើខ្លួនឯង ហើយអាចពាក់អាវអត់ដៃ រឺវាលក្លៀកប្រកបដោយភាពជឿជាក់ មិនខ្មាសអៀន KBN សុំណែនាំឱ្យប្រើរូបមន្តទាំងនេះ ហើយមិនប៉ះពាល់ដល់ស្បែកទេព្រោះវាជារូបមន្តដែលប្រើគ្រឿងផ្សំធម្មជាតិ៕