មានវិធីជាច្រើនដើម្បី ការពារនិងថែរក្សាភ្នែកឱ្យមានសុខភាពល្អ ប៉ុន្តែការរស់នៅប្រចាំថ្ងៃរបស់អ្នក តាមរយៈការញ៉ាំអាហារ ក៏បានរួមចំណែកថែរក្សាការពារភ្នែកឱ្យមានសុខភាពល្អផងដែរ។ ដូច្នេះហើយដើម្បីទទួលបានអត្ថប្រយោជន៍ពីរបបអាហារប្រចាំថ្ងៃ អ្នកត្រូវដឹងដែរថា ចំណីអាហារប្រភេទណាខ្លះ ដែលជំនួយភ្នែកនិងការពារភ្នែក។ ដែលចំណីអាហារទាំងនោះមានដូចជា៖
១.ការ៉ុត៖ គឺជាអាហារបំប៉នភ្នែកដ៏ត្រជាក់បំផុតមួយ មានឥទ្ធិពលក្នុងការថែរក្សាសុខភាពភ្នែកដោយផ្ទាល់ ជួយចិញ្ចឹមកែវភ្នែកឱ្យភ្លឺច្បាស់ ការពារកោសិកាផ្សេងៗនៅក្នុងភ្នែក និងការពារការកើតឡើងនៃភាពងងឹតងងុលផងដែរ។
២.ម្ទេសប្លោក៖ ម្ទេសប្លោកក៏មានផ្ទុកនូវវីតាមីន B6, lutein, zeaxanthin, beta-carotene និង lycopene ដែលសុទ្ធតែមានអត្ថប្រយោជន៍គ្មានដែនកំណត់សម្រាប់សុខភាពភ្នែក។
៣.បន្លែបែតង៖ បន្លែស្លឹកបៃតងក៏មានសារធាតុចិញ្ចឹមជាច្រើនដែលជួយបំប៉នភ្នែកដែលអ្នកមិនអាចបដិសេធបាន។ មិនថាវាជាវីតាមីន A, lutein, សារធាតុប្រឆាំងអុកស៊ីតកម្ម ជាពិសេស spinach, ឬ broccoli ។
៤.ផ្លែបឺរី៖ ផ្លែបឺរីដូចជា Strawberry, Blueberry, Gojiberries ល្បីល្បាញក្នុងវិស័យថែរក្សាភ្នែក ការពារការចុះខ្សោយនៃភ្នែក លើសពីនេះ សារធាតុប្រឆាំងអុកស៊ីតកម្មក៏ការពារកោសិកាផ្សេងៗក្នុងភ្នែកពីការបំផ្លាញផងដែរ។
៥.ពងមាន់៖ គ្រាន់តែទទួលទានស៊ុតជាប្រចាំអាចជួយឱ្យភ្នែកអ្នកមានសុខភាពល្អ ដោយសារតែស៊ុតសម្បូរទៅដោយសារធាតុ lutein និង zeaxanthin ដែលមានសមត្ថភាពកាត់បន្ថយហានិភ័យនៃជំងឺភ្នែកដែលទាក់ទងនឹងអាយុ។
៦.ដំឡូង៖ វីតាមីន A នៅក្នុងដំឡូង វាជាសារធាតុចិញ្ចឹមមួយទៀតដែលមានសារៈសំខាន់ចំពោះសុខភាពភ្នែក ជួយបំប៉នភ្នែក ការការពារជំងឺភ្នែកឡើងបាយ និងការពាររោគសញ្ញាភ្នែកស្ងួត វាក៏ការពារការឆ្លងមេរោគភ្នែកដែលបណ្តាលឱ្យរលាកភ្នែកផងដែរ។:max_bytes(150000):strip_icc()/Are-Potatoes-Vegetables-3x2-1-e1743111587b4ff799c84944070945fe.png)
៧.ត្រីសាម៉ុង៖ ត្រីសាម៉ុងក៏ត្រូវបានគេចាត់ទុកថាជាអាហារទំនើបដែលធ្វើអោយភ្នែកប្រសើរឡើងផងដែរ ជាពិសេសសម្រាប់អ្នកដែលចូលចិត្តសម្លឹងអេក្រង់យូររហូតដល់ភ្នែកស្ងួត គួរតែសាកល្បង។
៨.ផ្លែបឺរ៖ បឺរ គឺជាផ្លែឈើមួយទៀតដែលសម្បូរទៅដោយសារធាតុ lutein, beta-carotene, វីតាមីន B6 និងវីតាមីន C ដែលសុទ្ធសឹងតែមានសារៈសំខាន់សម្រាប់សុខភាពភ្នែក។ ជួយបិទបាំងស្នាម វាក៏ជួយពន្យឺតការចុះខ្សោយនៃភ្នែកតាមអាយុផងដែរ។
៩.គ្រាប់អាល់ម៉ុន៖ គឺជាប្រភពដ៏សម្បូរបែបនៃខ្លាញ់អូមេហ្គា ៣ ដែលដើរតួយ៉ាងសំខាន់ក្នុងសុខភាពភ្នែក វាក៏មានសារធាតុប្រឆាំងអុកស៊ីតកម្មផងដែរ។
១០.តែ៖ មិនថាតែបៃតង តែខ្មៅ ឬតែអូឡុងទេ សុទ្ធតែមានអត្ថប្រយោជន៍ដ៏អស្ចារ្យទាក់ទងនឹងការថែរក្សាភ្នែក ព្រោះតែសម្បូរទៅដោយសារធាតុប្រឆាំងអុកស៊ីតកម្ម និងការពារការកកើតនៃជំងឺភ្នែកឡើងបាយផងដែរ៕
ប្រភព៖Kapook
