កម្ពុជាជាប្រទេសដែលមានអរិយធម៌ដល់ចំណាស់មួយនៅក្នុងតំបន់អាស៊ីអាគ្នេយ៍។ បុព្វបុរសរបស់ខ្មែរតែងតែបន្សល់ទុកនូវស្នាដៃដ៏អស្ចារ្យជាច្រើនដែលធ្វើឱ្យភ្ញៀវទេសចរណ៍បរទេស សសើរស្ងប់ស្ងែងមិនដាច់ពីមាត់ ដូចជា ប្រាង្គប្រាសាទ ប្រពៃណី សាសនា ទំនៀមទំលាប់ និងអក្សរសាស្ត្រជាដើម។ ដូច្នេះហើយខាងក្រោមនេះគឺជាចំណុចទាំង៦ ដែលភ្ញៀវទេសចរណ៍ចាប់អារម្មណ៍មកលើប្រទេសកម្ពុជាច្រើនជាងគេ៖
១.ប្រាសាទអង្គរវត្ត៖ គឺជាប្រាសាទដ៏អស្ចារ្យដែលសាងសង់ឡើងនៅឆ្នាំ១១១៣ ដោយព្រះបាទសូរ្យវរ្ម័នទី២ និងបញ្ចប់នៅឆ្នាំ ១១៤៩ ដោយព្រះបាទជ័យវរ្ម័នទី៧ ។ ប្រាសាទអង្គរវត្តត្រូវបានសាងសង់នៅលើផ្ទៃដីចំនួន ១,៦២៦,០០០ ម៉ែត្រការ៉េ ដែលជាប្រាសាទសាសនាដ៏ធំបំផុតលើពិភពលោក។
២.ទង់ជាតិកម្ពុជា៖ ទង់ជាតិនៅលើពិភពលោកតែងតែមានពណ៌និងប្រើរូបដូចជាផ្កាយ ឬព្រះខែជាដើម។ ដោយឡែកទង់ជាតិកម្ពុជាក៏មានពណ៌ស ខៀវ ក្រហម តំណាងជាតិដែរ ប៉ុន្តែអ្វីដែលពិសេសនោះគឺមានរូបប្រាសាទអង្គរវត្តនៅលើទង់ជាតិ នេះសរបញ្ជាក់ឱ្យឃើញថា ប្រទេសខ្មែរ មានការគោរព ឱ្យតម្លៃ និងកោតសសើរស្ងប់ស្ងែងចំពោះស្នាដៃរបស់បុព្វបុរសខ្លួន។
៣.មានរបបដឹកនាំច្រើនជាងគេ៖ ប្រទេសកម្ពុជាបានឆ្លងកាត់សម័យកាលជាច្រើន ហើយបានប្តូរឈ្មោះជាច្រើនលើកច្រើនសារ ដូចជា សង្គមរាស្ត្រនិយម, សាធារណៈរដ្ឋខ្មែរ, កម្ពុជាប្រជាធិបតេយ្យ, រដ្ឋកម្ពុជា, ព្រះរាជាណាចក្រកម្ពុជា និងមានច្រើនទៀត។
៤.ជាប្រទេសដែលមានមីនច្រើន៖ នៅឆ្នាំ១៩៩០ កម្ពុជាត្រូវបានគេចាត់ទុកថាជាប្រទេសដែលសំបូរទៅដោយមីនច្រើនជាងគេ គឺមានចំនួន៨ទៅ១០លានគ្រាប់ឯណោះ។
៥.មានសត្វកម្រៗលើពិភពលោក៖ សត្វមួយចំនួនដែលអ្នកវិទ្យាសាស្រ្តគិតថាបានផុតពូជទៅហើយ ក៏ប៉ុន្តែបែរជាត្រូវបានគេរកឃើញនូវទឹកដីរបស់ប្រទេសកម្ពុជា នៅក្នុងព្រៃ និងទន្លេមេគង្គ។ ប៉ុន្តែសត្វទាំងនោះបានផុតពូជនៅតាមប្រទេសផ្សេងៗបាត់ទៅហើយ ។
៦.មានទន្លេសាបធំបំផុតនៅអាស៊ីអាគ្នេយ៍៖ នៅរដូវវស្សាទន្លេសាបបានលាតសន្ធឹងរហូតដល់ទៅ ១ ម៉ឺនគីឡូម៉ែត្រក្រឡា រីឯនៅរដូវប្រាំងទន្លេសាបបានលាតសន្ធឹងជាង៣ពាន់គីឡូម៉ែត្រក្រឡា។
ប្រភព៖shareknowledge
