កូរ៉េខាងត្បូង៖ យោងតាមប្រភព Dispatch តារាសម្តែងប្រុស Yoo Ah In វ័យ ៣៧ ឆ្នាំរូបនេះមានវត្តមាននៅស្ថានីយ៍ប៉ូលីសទីក្រុងសេអ៊ូលនៅថ្ងៃទី២៧ ខែមីនា វេលាម៉ោង ៩:២០ ព្រឹកដើម្បីឆ្លើយសំណួររបស់អង្គភាពស៊ើបអង្កេតឧក្រិដ្ឋកម្មគ្រឿងញៀន។ លោកបានសុំទោសទស្សនិកជន ដោយនិយាយថាលោកដឹងកំហុសរបស់ខ្លួន ហើយតារារូបនេះសន្យាឆ្លើយគ្រប់សំណួរដោយស្មោះត្រង់។
អាជ្ញាធរចង់បញ្ជាក់ពីមូលហេតុរបស់លោក Yoo Ah In ដែលប្រើសារធាតុហាមឃាត់ និងប្រភពដើមរបស់វា។ ពីមុនគាត់ត្រូវបានកំណត់ថាជាវិជ្ជមានសម្រាប់ថ្នាំចំនួន ៤ រួមមាន propofol កញ្ឆា កូកាអ៊ីន និង ketamine ។
ក្រៅពីលោក Yoo Ah In អ្នកគ្រប់គ្រង មិត្តភ័ក្តិ និងបុគ្គលិកពេទ្យមួយចំនួនក៏ត្រូវបានប៉ូលីសផ្តល់ការសម្ភាសផងដែរ។ ប៉ូលីសបានឆែកឆេរលំនៅដ្ឋានរបស់លោក Yoo Ah In ចំនួនពីរ និងកន្លែងពេទ្យចំនួនពីរ ដែលគេសង្ស័យថាបានផ្គត់ផ្គង់ថ្នាំខុសច្បាប់ដល់តារាសម្តែងផ្សេងទៀត។
តារាសម្តែងលោកYoo Ah In បានជាប់ពាក់ព័ន្ធនឹងរឿងអាស្រូវ តាំងពីដើមខែកុម្ភៈ ដោយហាមមិនឱ្យចាកចេញពីប្រទេសកូរ៉េឡើយ។ ដោយសារតែរឿងអាស្រូវនេះ តារាសម្តែងរូបនេះបានបាត់បង់តួនាទីរបស់គាត់នៅក្នុង គម្រោងរឿងថ្មី Hellbound វគ្គ ២ ដែលគ្រោងនឹងថតនៅរដូវក្តៅ។
លោក Yoo Ah In បានចូលប្រឡូកក្នុងវិស័យសិល្បៈអស់រយៈពេល ២០ ឆ្នាំមកហើយ នឹងទទួលបានការកោតសរសើរពីអ្នកជំនាញចំពោះការសម្ដែងដ៏សម្បូរបែបរបស់លោក។
គួរបញ្ជាក់ផងដែរលោក Yoo Ah In គឺជាតារាសម្តែងដ៏ល្បីល្បាញនៅក្នុងប្រទេសកូរ៉េខាងត្បូង ដែលខ្សែភាពយន្តទាំងនោះមានដូចជា៖ រឿងVeteran , រឿងBurning , រឿងForbidden Love ដែលរឿងនេះបានជួយលោក Yoo Ah In ឡើងដល់តារាក្នុងបញ្ជី A ដោយឈ្នះពានរង្វាន់ជាច្រើន។ ជាពិសេសជាមួយនឹង រឿង The Throne (២០១៥) លោក Ah In បានក្លាយជា “អធិរាជ” ក្មេងជាងគេក្នុងប្រវត្តិសាស្រ្តនៃពានរង្វាន់ Blue Dragon Award កាលពីលោកនៅអាយុ ២៩ ឆ្នាំ។ ប្រភព៖vnexpress
