អ្នកប្រហែលជាដឹងហើយថា ជាតិស្ករឬជាតិផ្អែម ដែលអ្នកទទួលទាន អាចបង្កបញ្ហាសុខភាពច្រើនបែបយ៉ាង រួមមាន ការឡើងសម្ពាធឈាមខ្ពស់ ឡើងទម្ងន់ ជំងឺទឹកនោមផ្អែម ជំងឺខ្លាញ់រុំថ្លើម។ ជំងឺទាំងនេះ ក៏មានពាក់ព័ន្ធទៅនឹងជំងឺគាំងបេះដូង និងជំងឺដាច់សរសៃឈាមផងដែរ។ ប៉ុន្តែអ្នកឆ្ងល់ទេថា ប្រសិនបើអត់ញ៉ាំជាតិស្ករចំនួន ១៤ថ្ងៃ រាងកាយ និងសុខភាពរបស់អ្នកនឹងទៅជាបែបណា? តាមវេជ្ជបណ្ឌិតឯកទេសសុខភាពលោក Berg បានបញ្ជាក់ថាការមិនទទួលទានជាតិស្ករបានជះឥទ្ឋិពលខ្លះៗដល់រាងកាយដូចជា៖
១.ប្តូរទំរង់មុខស្លីមតូចជាងមុន និងស្រកក្បាលពោះ៖ នៅពេលដែលអ្នកមិនបានទទួលទានជាតិស្ករ នោះទម្រង់មុខនិងរាងកាយរបស់អ្នកប្រែទៅជាស្គមឬតូចជាងមុន។
២.ធ្វើឱ្យរាងកាយប្រសើរជាងមុន៖ នៅពេលដែលអ្នកខ្វះជាតិស្ករនោះផ្នែកនៃរាងកាយរបស់អ្នកដូចជា ភ្នែក ខួរក្បាល ចរន្តឈាម តំរងនោមឬក្រលៀន និងមានសុខភាពល្អជាងមុន។
៣.មិនសូវនោមច្រើន៖ ការមិនញ៉ាំជាតិស្ករ នឹងជួយបំបាត់ជាតិទឹក និងខ្លាញ់ដែលលើស ដែលធ្វើឱ្យយើងមិនសូវនោមច្រើនដូចមុន។
៤.មានកម្លាំងជាងមុន ឬស្វាហាប់ជាងមុន៖ ការអនុវត្តមិនញ៉ាំជាតិស្ករ ជួយកាត់បន្ថយការរលាកសរសៃឈាម ក្នុងរយៈពេលយូរ វានឹងជួយបន្ថយហានិភ័យ ការកកឈាម ជំងឺដាច់សរសៃឈាម និងជំងឺគាំងបេះដូង-ល-។ ទន្ទឹមនឹងនេះ កោសិកាខួរក្បាលក៏លូតលាស់ បានល្អផងដែរ។
៥.មិនសូវឃ្លានច្រើនដូចមុន៖ ជាតិស្ករ ជាកត្តាបង្កឲ្យអ្នកឃ្លានអាហារ ដូចនេះ ប្រសិនបើបន្ថយជាតិស្ករ អ្នកនឹងឃ្លានអាហារតិចជាងមុន។ មូលហេតុ គឺនៅពេលអ្នកកាត់បន្ថយការញ៉ាំស្ករ កម្រិតជាតិស្ករក្នុងឈាម មានស្ថិរភាពល្អ ហើយកោសិការបស់អ្នក ទទួលបានសារធាតុចិញ្ចឹមគ្រប់គ្រាន់។
៦.មានអារម្មណ៍ល្អជាងមុន៖ ខុសពីធម្មតា ពេលនេះ អ្នកនឹងមានអារម្មណ៍ស្ងប់ជាងមុន និងស្ត្រេសតិចជាងមុន។ មុខងារនៃការគិត និងការផ្ដោតអារម្មណ៍ក៏ដំណើរការបានប្រសើរ។
៧.ស្បែកស្អាត កាត់បន្ថយមុន៖ មុននៅលើស្បែកមុខ នឹងថយចុះ ខណៈពេលដែលមុខរបស់អ្នក នឹងមានភាពស្រស់ចែងចាំង៕ ប្រភព៖vnexpress