ភ្នំពេញ៖ នៅយប់ថ្ងៃទី ១២ ខែមីនាឆ្នាំ ២០២៣ ក្នុងសង្កាត់ស្វាយដង្គំ ក្រុងសៀមរាប មានករណីអគ្គីភ័យ ឆាបឆេះអគារមួយ នៃព្រះរាជដំណាក់សៀមរាប។
ករណីនេះត្រូវបានរថយន្តពន្លត់អគ្គីភ័យជាច្រើនគ្រឿងបានជួយបាញ់ទឹកពន្លត់ ហើយបានរលត់ទៅវិញទាំងស្រុងហើយ ម៉ោងប្រម៉ាណជាង ១២ យប់ ឈានចូលថ្ងៃទី ១៣ ខែមីនា ឆ្នាំ ២០២៣ ហើយលោក ទៀ សីហា អភិបាលខេត្ត បានដឹកនាំមន្ត្រីចុះបញ្ជាផ្ទាល់ដើម្បីប្រតិបត្តិការជួយពន្លត់អគ្គិភ័យនេះផងដែរ។
ចំពោះមូលហេតុនៃករណីអគ្គីភ័យឆាបឆេះអគារព្រះរាជតំណាក់តូច នៃព្រះរាជតំណាក់ខេត្តសៀមរាប ត្រូវបានក្រសួងព្រះបរមរាជវាំងចេញសេចក្តីប្រកាសព័ត៌មាន បញ្ជាក់ថា បណ្តាលមកពីការឆ្លងចរន្តអគ្គិសនី(ទុស្សេខ្សែភ្លើង)។
ចំពោះករណីអគ្គីភ័យខាងលើនេះដែរលោកហ៊ុន ម៉ានី ប្រធានសភាពសហព័ន្ធយុវជនកម្ពុជា ( សសយក ) តាមរយៈហ្វេសប៊ុកក៏បានលើកឡើងដែរថា ទូលព្រះបង្គំពិតជាមានសេចក្តីរន្ធត់ និងសោកស្តាយពន់ពេក ដោយបានទទួលដំណឹងអំពីអគ្គិភ័យដែលបានឆាបឆេះ ព្រះរាជដំណាក់ខេត្តសៀមរាប កាលពីយប់ថ្ងៃទី១២ ខែមីនា ឆ្នាំ២០២៣នេះ៕
