ឆ្នាំ ១៨៤០ មាននាវាអាមេរិកដឹកនាំដោយលោក Charles Wilkes បានរកឃើញនូវទ្វីបមួយថ្មីទៀតដែលមានលក្ខណៈជាទឹកកក។ ទ្វីបនោះមានឈ្មោះថា ទ្វីបអង់តាកទិច។
លោកបានចេញដំណើរពីសហរដ្ឋអាមេរិកនៅឆ្នាំ ១៨៣៨ ដោយចុះតាមមហាសមុទ្រប៉ាស៊ីហ្វិកឆ្ពោះទៅអាមេរិកខាងត្បូង ឆ្លងកាត់កោះ Polynesia ហើយបន្តទៅដែនដីអូស្ត្រាលី។ ក្រោយមកដល់ភាគត្បូងទីក្រុងស៊ីដនី ប្រទេសអូស្ត្រាលី លោក Charles Wilkes បានប្រទះឃើញជញ្ជាំងទឹកកកនៅជ្រោយសមុទ្រ និងតាមភ្នំនៃទ្វីបដែលមិនធ្លាប់ស្គាល់ពីមុនមក។/https://tf-cmsv2-smithsonianmag-media.s3.amazonaws.com/filer/7d/cc/7dcc2ebc-74d0-4cd4-aa46-922be14a8587/vincennes_color.jpg)
ក្រោយចំណាយពេល២ឆ្នាំ ដោយដំណើរចម្ងាយ ២,៤១៤គីឡូម៉ែត្រ តាមបណ្ដោយឆ្នេរសមុទ្រនៃទ្វីបថ្មីនោះ លោកក៏បានសម្រេចគោលដៅតែម្តង។
ទីកន្លែងដែលលោក Charles Wilke ទៅដល់នោះ មានទីតាំងស្ថិតនៅ ភាគពាយព្យនៃទ្វីបអង់តាកទិច ក្រោយមកក៏ដាក់ឈ្មោះថា Wilkes’ Land ដែលដូចទៅនឹងឈ្មោះរបស់លោក៕
ប្រភព: National Geography
