ផលិតកម្ម Galaxy Navatra បានឈានដល់កិច្ចព្រមព្រៀងនាំយកតារាចម្រៀង៣រូប មករួមផលិតកម្ម។
នៅក្នុងនោះតារាចម្រៀងម្ចាស់បទ”សម្រែកបេះដូង” លោកខាត់ ជេម៍ បានដឹកដៃកូនស្រី Amie មកចូលរួមផលិតកម្មជាមួយផលិតកម្ម Galaxy Navatra របស់លោកឧកញ្ញ៉ា ឡេង ណាវ៉ាត់ត្រា។
ថ្លែងនៅចំពោះមុខ អ្នកសារព័ត៌មានជាច្រើនស្ថាប័ន នៅសណ្ឋាគារហៃយ៉ាត់ ភ្នំពេញ ម្ចាស់បទចម្រៀង សម្រែកបេះដូង ដែលធ្លាប់អង្រួន បេះដូងអ្នកគាំទ្រអស់រយៈពេលជាច្រើនឆ្នាំកន្លងមក ថ្លែងថា៖ “ថ្ងៃនេះខ្ញុំមានកិត្តិយស និងរីករាយដែលបានចូលរួមជាមួយគ្រួសាររបស់ Galaxy Navatra ។ ខ្ញុំជឿជាក់ និងបំផុសគំនិតដោយអ្នកឧកញ៉ា ណាវ៉ាត្រា ដែលជាអ្នកដឹកនាំប្រកបដោយចក្ខុវិស័យ ដែលជាកម្លាំងចលករនៅពីក្រោយការផ្លាស់ប្តូរក្នុងវិស័យតន្ត្រីនេះ។ តាមរយៈការកម្សាន្តប្រកបដោយភាពច្នៃប្រឌិត និងបទពិសោធន៍ថ្មីៗ គាត់បាននាំមកនូវការរីកចម្រើនថ្មីមួយដល់ឧស្សាហកម្មតន្ត្រីកម្ពុជា”។
ទន្ទឹមគ្នានោះដែរ ផលិតកម្ម Galaxy Navatra ក៏បានឈានដល់កិច្ចព្រមព្រៀងនាំយកកូនច្បងលោកព្រាប សុវត្ថិ គឺលោកសុវត្ថិ មុនីវណ្ណ មកចូលរួមផងដែរ៕
