ទីក្រុងរបស់អាស៊ានមួយ ក្លាយជាទីក្រុងសុីវិល័យបំផុតនៅលើពិភពលោក

កាលពីពេលថ្មីៗនេះគេហទំព័រវាយតម្លៃសម្រស់ទីក្រុងដ៏ល្អឯកលើលោក បានចេញផ្សាយថា សិង្ហបុរី (Singapore) បានក្លាយជាទីក្រុងល្អដាច់គេលេខ៩ លើលោក និងទីក្រុងនៅក្នុងសុីវិល័យជាងគេនៅក្នុងតំបន់អាស៊ាន។

ប្រទេសសិង្ហបុរី គឺជាប្រទេសតូចជាងគេបង្អស់នៅក្នុងតំបន់អាសុីអាគ្នេយ៍។ មានផ្ទៃដី ៧១០,២ គីឡូម៉ែត្រការ៉េ ប្រទេសដែនកោះស្ថិតនៅចុងខាងត្បូងនៃឧបទ្វីបម៉ាឡេ។

ប្រទេសនេះ ត្រូវបានខ័ណ្ឌចែកពីឧបទ្វីបម៉ាឡេ ដោយច្រកសមុទ្រ ចូហរ ដែលនៅខាងជើង និងចែកពីកម្រងកោះរ្យៅ (ឥណ្ឌូនេស៊ី) នៅខាងត្បូង។ សិង្ហបុរីជាមជ្ឈមណ្ឌលហិរញ្ញវត្ថុ​ឈានមុខគេចំណាត់ថ្នាក់លេខបួននៅលើពិភពលោក ដែលដើរតួនាទីយ៉ាងចម្បងក្នុងវិស័យពាណិជ្ជកម្ម​និងហិរញ្ញវត្ថុអន្តរជាតិ។ លើសពីនេះទៅទៀត កំពង់ផែសិង្ហបុរីស្ថិតក្នុងចំណោមកំពង់ផែដែលមមាញឹកជាងគេទាំងប្រាំនៅលើពិភពលោក។

ជាមួយគ្នានេះដែរ ព្រលានយន្តហោះដ៏ទំនើបបំផុតរបស់សិង្ហបុរី បានក្លាយជាចំណត សម្រាប់ភ្ញៀវទេសចរណ៍ ចុះដោះដូរជើងយន្តហោះ ដ៏មមាញឹកថែមទៀតផងដែរ។

សូមរលឹកផងដែរក្នុងចំណោមប្រជាជនជាង​ប្រាំលាននាក់របស់សិង្ហបុរី មានតែ ២,៩១ លាននាក់ទេ​ដែលជាម្ចាស់ស្រុក មានន័យថា ៤៣% នៃប្រជាជនសិង្ហបុរីមកពីបរទេស៕

ប្រភព៖ World best cities