ក្រុមតារាចម្រៀងស្រីល្បីជាងគេលើលោក BLACKPINK បានប្រកាសពីកម្មវិធីបន្ថែមចំនួនពីរដែលនឹងធ្វើឡើងនៅទីក្រុងបាងកក ដែលជាផ្នែកមួយនៃកម្មវិធី Born Pink World Tour Asia។
ក្រុមតារា K-pop ស្រី បានប្រកាសតាមប្រព័ន្ធផ្សព្វផ្សាយសង្គមកាលពីថ្ងៃពុធ ទី២២ ខែកុម្ភៈ ថា ខ្លួន នឹង ធ្វើការប្រគុំតន្រ្តីនៅទីក្រុងបាងកកនៅថ្ងៃទី ២៧ និង ២៨ ខែឧសភា នៅកីឡដ្ឋាន Rajamangala។
BLACKPINK ក៏បានបញ្ជាក់ផងដែរថា សំបុត្រសម្រាប់អ្នកគាំទ្រ BLINK Weverse នឹងដាក់លក់នៅថ្ងៃទី៤ ខែមីនា ដោយសំបុត្រដាក់ឱ្យអ្នកគាំទ្រទូទៅនឹងដាក់លក់ជាសាធារណៈនៅថ្ងៃទី៥ខែមីនា។ អ្នកគាំទ្រអាចចុះឈ្មោះជាសមាជិក BLINK Weverse ចាប់ពីពេលនេះរហូតដល់ថ្ងៃទី 24 ខែកុម្ភៈ។
គួរបញ្ជាក់ផងដែរថា មុនពេលការប្រគុំតន្ត្រីនានៅទីក្រុងបាងកកនៅចុងខែឧសភានោះ BLACKPINK ក៏នឹងសម្តែងនៅប្រទេសម៉ាឡេស៊ី ឥណ្ឌូនេស៊ី តៃវ៉ាន់ និងហ្វីលីពីនពេញមួយខែមីនា មុនពេលទៅប្រទេសសិង្ហបុរី និងម៉ាកាវក្នុងខែឧសភា៕
ប្រភព៖ NME