ក្រោយពីកម្ពុជាសម្រេចប្រើប្រាស់ “គុនខ្មែរ (Kun Khmer)” សម្រាប់ការប្រើប្រាស់ជាផ្លូវការក្នុងព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣នៅប្រទេសកម្ពុជានោះ ភាពចម្រូងចម្រាស់វាងប្រទេសទាំងពីរក៏បានកើតឡើង ដែលធ្វើឱ្យល្បីដល់ប្រទេសសមាជិកអាស៊ានឈឺឆ្អើល។
ប្រធានសមាគមន៍ប្រដាល់ឡាវ (IFMA) បាននិយាយថា៖ “ថៃគ្មានសិទ្ធិហាមឃាត់ប្រទេសណាដែលទទួលយកការប្រកួត “គុនខ្មែរ” ក្នុងស៊ីហ្គេមឆ្នាំ២០២៣ នៅកម្ពុជានោះទេ។ “Muay Thai” គឺជាសិល្បៈក្បាច់គុនក្លែងក្លាយ ចម្លងគេ ដែលប្រជាជនថៃកំពុងព្យាយាមជំរុញពិភពលោកឱ្យមានការយល់ច្រឡំ”។
លោក Saisamorn Chaiyasorn បានសង្កត់ធ្ងន់ថា ៖ ប្រជាជាតិអាស៊ាន ចូលរួមប្រកួតប្រជែង ព្រោះយើងផ្តោតទៅលើកីឡា នាំមកសន្តិភាព និងសាមគ្គីភាព មិនដូចប្រទេសថៃដែលផ្ដោតតែលើអាជីវកម្ម និងការវិនិយោគ។ ដូច្នេះថៃជាបញ្ហានៃរឿងនេះ។
លោកបន្តថា៖ “ឡាវនឹងបញ្ចូន អត្តពលិកប្រកួតគុនខ្មែរនៅកម្ពុជា មិនខ្វល់ពីការដាក់ពិន័យរបស់ថៃ អ្វីនោះទេ”។
ងាកមកសុីហ្គេម២០២៣នេះវិញ សម្រាប់វិញ្ញាប្រដាល់នេះវិញ ៧ប្រទេសនឹងមានវត្តមានក្នុងនោះមានកម្ពុជា ឡាវ ឥណ្ឌូណេស៊ី ម៉ាឡេសុី មីយ៉ាន់ម៉ា ហ្វីលីពីន និងវៀតណាម នឹងចូលរួមប្រកួតកីឡាស៊ីហ្គេមគុនខ្មែរ បើទោះបីជាថៃធ្វើពហិការក៏ដោយ៕
ប្រភព៖ News Directory3
