សហព័ន្ធកីឡាអេឡិចត្រូនិកថៃ បានប្រកាសថា ប្រទេសថៃនឹងមិនបញ្ជូនអត្តពលិកឆ្នើមទៅចូលរួមប្រកួតកីឡាស៊ីហ្គេម ឆ្នាំ២០២៣ នៅកម្ពុជាឡើយក្នុងវិញ្ញា E-Sports លើហ្គេម Valorant។
លោក Santi Lothong សហព័ន្ធកីឡាអេឡិចត្រូនិកថៃ បានបញ្ជាក់ថា ការសម្រេចមិនចូលរួមនេះ ដោយសារកម្ពុជា ទើបដាក់បញ្ចូលវិញ្ញាសា VALORANT ហេតុដូចនេះធ្វើឱ្យថៃពិបាករកក្រុមអត្តពលិកមកចូលរួម ហើយវាក៏ខុសពីច្បាប់របស់ថៃផងដែរ។
បើតាមច្បាប់អត្តពលិកថៃ បានកំណត់ថា ការដាក់បញ្ជីឈ្មោះអត្តពលិកត្រៀមប្រកួតសុីហ្គេម នឹងត្រូវធ្វើឡើងមុនកន្លះឆ្នាំ ដើម្បីពិនិត្យរាងកាយ និងសុខភាពអត្តពលិក។
ក្រៅពីថៃ ក៏នៅមានសិង្ហបុរី និងប្រ៊ុយណេ ផងដែរដែលមិនបញ្ជូនអត្តពលិកមកចូលរួមលើវិញ្ញាសានេះ៕
ប្រភព៖ Valo2Asia
