នៅក្នុងប្រព័ន្ធព្រះអាទិត្យយើង ភពទាំងអស់មានចំនួន៨ ដោយក្នុងភពព្រហស្បតិ៍ (Jupiter) គឺជាភពដែលធំជាងគេបង្អស់។
ភពព្រហស្បតិ៍ គឺជាភពដ៏ភ្លឺបំផុតទីបីនៅប្រព័ន្ធព្រះអាទិត្យនាពេលយប់ បន្ទាប់ពីព្រះច័ន្ទ និងភពសុក្រ ហើយវាត្រូវបានគេសង្កេតឃើញតាំងពីសម័យបុរេប្រវត្តិមកម្ល៉េះ។ បើតាមការស្រាវជ្រាវរបស់អ្នកវិទ្យាសាស្ត្របានបញ្ជាក់ថា ភពនេះត្រូវបានដាក់ឈ្មោះតាមអាទិទេពសំខាន់នៃសាសនារ៉ូម៉ាំងបុរាណ។
ភពនេះមានទំហំ ៦១.៤២គីឡូម៉ែត្រការ៉េ បើប្រៀបធៀបនឹងភពផែនដីយើង វាមានទំហំធំជាង ដល់ទៅ១៥០០ដងឯណោះ។
ភពព្រហស្បតិ៍មានចម្ងាយប្រហែល ៧៧៨ លានគីឡូម៉ែត្រពីព្រះអាទិត្យរបស់យើង និងមានអាយុកាល។ មិនតែប៉ុណ្ណោះ ភពនេះ វិលលឿនដោយមួយថ្ងៃនៃភពនេះត្រឹម១០ម៉ោងប៉ុណ្ណោះ ក៏ប៉ុន្តែវាត្រូវចំណាយពេលប្រហែល ១២ ឆ្នាំនៃឆ្នាំផែនដីដើម្បីវិលមួយជុំគន្លងព្រះអាទិត្យ។
លើសពីនេះទៅទៀត ភពនេះជាភពតែមួយគត់ដែលមាន មានពពកក្រាស់ពណ៌ចម្រុះ និងមានឧស្ម័នពុលខ្លាំងនៅគេងបំផុត។ ការវិលយ៉ាងលឿននៃភពនេះបង្កើតបានជាវ័ណ្ឌព័ទ្ធជុំវិញ ដូចទៅនឹងភពសុក្រដែរ ក៏ប៉ុន្តែវារៀងតូចជាង មើលមិនសូវឃើញដូចភពសុក្រប៉ុន្មាននោះទេ។
គួរបញ្ជាក់ផងដែរថា ភពព្រហស្បតិ៍មានព្រះច័ន្ទច្រើនជាង ៧៥ ដែលជាភពរណប។ ក្នុងឆ្នាំ ១៩៧៣ យានអវកាស Pioneer 10 បានហោះទៅភពព្រហស្បតិ៍ហើយបានថតរូបភាពដំបូងបំផុតមកភពផែនដី។ បន្ទាប់ពីយាននេះ មានយានមួយចំនួនទៀតដូចជា Voyager 1 និង Voyager 2 ដែលបានថតរូបភាពព្រះច័ន្ធនៃភពព្រហស្បតិ៍ជាលើកដំបូង។ យានអវកាសតែមួយគត់ដែលធ្វើដំណើរទៅកាន់តារាវិថីភពព្រហស្បតិ៍គឺឈ្មោះ កាលីលេ (យកឈ្មោះតាមអ្នកប្រាជ្ញ កាលីលេ) នៅឆ្នាំ ១៩៩៥៕
