មានទម្លាប់មួយចំនួនដែលបំផ្លាញដល់សុខភាពស្បែក នាំឲ្យរន្ធរោមលើស្បែកមុខប្រែជារីកធំ។ ទាំងនោះដោយសារតែកំហុសដូចខាងក្រោម៖
១ ញិចមុន
នៅពេលអ្នកញិចមុនមិនបានត្រឹមត្រូវ នឹងធ្វើឲ្យស្បែកងាយឆ្លងបាក់តេរី ពិសេសនៅពេលមុនមិនទាន់ទុំ។ មេរោគនឹងចូលដល់ក្នុងស្រទាប់ស្បែក ធ្វើឲ្យមុនកាន់តែរីកធំ ហើយរន្ធរោមនឹងរីកធំផងដែរ។
២ ខាត់ស្បែកញឹកញាប់
អ្នកគួរតែខាត់ស្បែកយ់ាងតិច២ដងក្នុងមួយសប្តាហ៍ ព្រោះបើខាត់ច្រើនដងនឹងធ្វើឲ្យស្បែកស្ងួត។ ស្បែកមុខដែលគ្មានជាតិប្រេងនឹងទាក់ទាញធូលីដីធ្វើឲ្យរន្ធរោមកាន់តែធំ។ បន្ថែមពីនេះ លាងមុខច្រើនជាង២ដងក្នុងមួយថ្ងៃ ក៏លុបបំបាត់ជាតិប្រេងពីធម្មជាតិលើស្បែកមុខផងដែរ។ ដូច្នេះហើយ ស្បែកងាយនឹងរងភាពកខ្វក់ពីខាងក្រៅ នាំឲ្យរលាកនិងកើតមុន។
៣ ទុកស្បែកឲ្យស្ងួតយូរពេក
ស្បែកស្ងួតងាយណឹងធ្វើឲ្យរន្ធរោមរីកធំបំផុត ដូច្នេះអ្នកត្រូវផ្តល់សំណើមដល់ស្បែករបស់អ្នកជាមួយការលាប Toner និងឡេដែលសក្តិសមសម្រាប់ស្បែកមុខរបស់អ្នក។
៤ តប់ម្សៅក្រាស់ៗហើយច្រើនដងក្នុងមួយថ្ងៃ
ការលាបម្សៅច្រើនដងក្នុងមួយថ្ងៃ ធ្វើឲ្យស្បែករបស់អ្នកពិបាកបញ្ចេញជាតិប្រេងពីធម្មជាតិ។ ដែលទាំងនេះ ងាយនឹងកើតមុន ហើយរន្ធរោមក៏រីកធំទៀត។
៥ ញ៉ាំអាហារមិនល្អ
សុរា អាហារមានផ្ទុកជាតិស្ករ ជាតិប្រៃ ហិរ និងខ្លាញ់ សុទ្ធតែប៉ះពាល់ដល់ស្បែកមុខ។ វាធ្វើឲ្យស្បែករលាក បញ្ចេញញើសច្រើន ដែលអ្នកគួរតែងាកមកញ៉ាំបន្លែ ឬផ្លែឈើឲ្យបានច្រើនវិញ ល្អជាង។
៦ មិនបានប្រើឡេការពារកម្តៅថ្ងៃ
ពន្លឺថ្ងៃធ្វើឲ្យស្បែករងការប៉ះពាល់យ៉ាងខ្លាំង ពិសេសនាំឲ្យបាត់បង់ខូឡាជែនដល់ស្បែកថែមទៀតផង ដែលនាំឲ្យស្បែកឆាប់ជ្រួញ ហើយឡើងជារន្ធរោមរីកធំថែមទៀត៕
