មានរឿងខ្លះ អ្នកត្រូវកាត់ចោលនូវរឿងឥតប្រយោជន៍មួយចំនួន ដើម្បីឲ្យជីវិតមានន័យក្នុងឆ្នាំ២០២៣នេះ។
១ កាត់ចោលរបស់ដែលចំណាយឥតប្រយោជន៍
អ្នកត្រូវរៀបគម្រោងសន្សំលុយ ដើម្បីប្រើប្រាស់ឲ្យមានស្ថេរភាពក្នុងរយៈពេលយូរ ឬទុកវិនិយោគ ដូចជាទិញផ្ទះ ធានារ៉ាប់រង និងដាក់ក្នុងកុងធនាគារជាដើម។ នៅពេលដល់អាយុច្រើន អ្នកនឹងមិនស្តាយក្រោយឬមានការព្រួយបារម្ភច្រើនដែរ។ ត្រូវចាំថា កុំចំណាយលុយដើម្បីតែសម្ងែង តម្លៃរបស់អ្នកនឹងមិនទទួលបានតាមរយៈលុយកាក់ទេ គឺតាមរយៈសមត្ថភាពនិងចរិតរបស់អ្នក។
២ កាត់ចោលនូវការដើរលេងដែលឥតប្រយោជន៍
មនុស្សជាច្រើននិយាយថា ការចូលរួមក្នុងពិធីជប់លៀង ឬទំនាក់ទំនងសង្គមបែបសប្បាយៗនឹងជួយពង្រីកបណ្តាញ និងបង្កើនមិត្តភាពដើម្បីការងារនិងអនាគត។ តែអ្នកគិតភ្លេចគិតថា តើពួកគេសុទ្ធតែអាចផ្តល់ឲ្យអ្នកនូវរឿងទាំងនោះមែនឬទេ? ហើយពេលចូលរួមកម្មវិធីទាំងនោះម្តងៗ តើអ្នកចំណាយប្រាក់អស់ប៉ុន្មាន? តើវាមានតម្លៃឬទេ? ជំនួសឲ្យការចំណាយប្រាក់ច្រើននិងពេលវេលារបស់អ្នកទៅកាន់កម្មវិធីទាំងនោះ អ្នកគួរចំណាយពេលជាមួយគ្រួសារ មិត្តភក្កិ ឬទៅរៀនបន្ថែម ឬគេងឲ្យបានគ្រប់គ្រាន់ល្អជាង។
៣ កាត់ចោលនូវអារម្មណ៍មិនល្អចេញ
កុំបណ្តោយឲ្យអារម្មណ៍ខ្លួនឯងធ្លាក់ចូលក្នុងរឿងមិនសប្បាយចិត្ត។ នៅពេលអារម្មណ៍អត់ល្អ លទ្ធផលនឹងចេញមកអត់ល្អដែរ ហើយជះឥទ្ធិពលអាក្រក់ដល់មនុស្សនៅជុំវិញដែរ។ ហេតុនេះ កុំខឹងច្រើន គួរតែរៀនរម្ងាប់ចិត្ត និងធ្វើឲ្យខ្លួនឯងមានផាសុកភាពផ្លូវចិត្ត៕