ប្រេងខ្យល់មិនត្រឹមបានគេប្រើទុកលាបពេលមូសខាំ ឬសត្វល្អិតទិចនោះទេ តែក៏ត្រូវបានគេទុកប្រើប្រាស់សម្រាប់សុខភាពឲ្យដំណើរការល្អជាងមុនផងដែរ។ ជាក់ស្តែង បើអ្នកមានបញ្ហាលើប្រព័ន្ធរំលាយអាហារ បញ្ហាទល់លាមក ឬបញ្ហាគេងមិនលក់ អាចសាកប្រើប្រេងខ្យល់បាន។
១ ជំរុញការរំលាយអាហារឲ្យដំណើរការល្អ
បើផ្អែកតាមចាស់បុរាណរបស់ជនជាតិចិន គេនិយមបន្តក់ប្រេងខ្យល់មួយតំនក់នៅចូលត្រង់បរិវេណផ្ចិត ជារៀងរាល់យប់ដើម្បីឲ្យដើរខ្យល់ល្អ ចៀសផុតពីការរាគថែមទៀត។ មិនតែប៉ុណ្ណោះ ក៏ជួយឲ្យចរន្តឈាមរត់បានស្រួល និងប្រព័ន្ធរំលាយអាហារដំណើរការកាន់តែល្អ។
២ ជួយឲ្យប្រសើរឡើងសម្រាប់អ្នកមានបញ្ហាទល់លាមក
ក្នុងសម័យទំនើប មនុស្សជាច្រើនចូលចិត្តធ្វើអីលឿនៗហើយងាយៗដូចជា ញ៉ាំលឿនៗ ហូបអាហារ Fast Food មិនសូវញ៉ាំបន្លែ ដែលធ្វើឲ្យមានបញ្ហាដល់ការទល់លាមក។ ដើម្បីកាត់បន្ថយបញ្ហានេះ អ្នកអាចបន្តក់ទឹកប្រេងខ្យល់ ពីរទៅបីតំនក់ចូលបរិវេណផ្ចិតរាល់យប់មុនចូលគេង ។ វិធីនេះក៏ល្អបំផុតសម្រាប់អ្នកអង្គុយយូរៗនៅការិយាល័យផងដែរ។
៣ គេងលក់ស្រួល
វិធីដ៏ងាយស្រួលនិងចំណាយថវិការតិចបំផុត ដែលជួយឲ្យគេងលក់កាន់តែស្រួលនោះគឺ អ្នកអាចបន្តក់ប្រេងខ្យល់ចូលក្នុងរន្ធផ្ចិតមុនទៅគេង។ ក្លិនរបស់ប្រេងខ្យល់នឹងជួយឲ្យឲ្យអ្នកបានធូរស្រាល និងសម្រួលដល់រាងកាយ មានភាពកក់ក្តៅ ដែលកាន់តែជម្រុញឲ្យការគេងបានកាន់តែលក់ស្រួល៕
