ការប្រកួតវគ្គជម្រុះសន្សំពិន្ទុក្នុងពូល នៃព្រឹត្តិការណ៍ World Cup 2022 បានបញ្ចប់ជាស្ថាពរ ដោយគេសង្កេតឃើញថា មានក្រុមអាសុីរហូតដល់ទៅ៣ឯណោះ នៅវគ្គ១៦ក្រុម។
នេះជាលើកទីមួយហើយដែលក្រុមនៃទ្វីបអាសុីឡើងវគ្គ១៦ ច្រើនជាក្រុមអាមេរិកឡាទីន ដោយក្នុងនោះអាសុីមាន អូស្ត្រាលី ជប៉ុន និងកូរ៉េខាងត្បូង ខណៈពេលដែលអាមេរិកឡាទីន មានតែ២ក្រុមប៉ុណ្ណោះ គឺប្រេសុីល និងអាហ្សង់ទីន ដែលជាក្រុមគេរំពឹងឈ្នះពាន។
ក្នុងការឡើងមកនេះ ក្រុមអាសុីទាំង៣នេះ បានទម្លាក់សុទ្ធសឹងតែក្រុមខ្លាំងៗ ជាក់ស្តែងអូស្ត្រាលី បានបំបាក់ដាណឺម៉ាក ស្របពេលដែលជប៉ុនបានវាយបកឈ្នះអេស៉្បាញ និងកូរ៉េខាងត្បូងឈ្នះព័រទុយហ្គាល់។
គួរបញ្ជាក់ផងដែរថា ការប្រកួតវគ្គ១៦ក្រុមចុងក្រោយនឹងប្រព្រឹត្តិនៅថ្ងៃទី៣ ខែធ្នូនេះតទៅ៕
