ក្រោយតែពី Elon Musk បានសម្រេចទិញយកបណ្ដាញសង្គម Twitter បានយ៉ាងជោគជ័យនៅក្នុងតម្លៃ ៤៤ពាន់លានដុល្លារហើយនោះ ពេលនេះរូបលោកគ្រងនាំយកបណ្តាញសង្គម Vine ត្រឡប់មកវិញ។
Musk បាននាំយក Vine មកវិញ ដែលជាបណ្ដាញសង្គមវីដេអូខ្លីៗ ដើម្បីប្រគួតប្រជែងផ្ដួល TikTok YouTube Shorts និង Reels របស់ក្រុមហ៊ុន Meta។
គួរជម្រាបផងដែរថា Vine ពីមុនមកគឺជាផ្លែតហ្វមមើលវីដេអូខ្លី រយៈពេល ៦វិនាទី ហើយអ្វីដែលជាបញ្ហានោះគឺប្រសិនបើ Elon Musk ចង់ប្រគួតប្រជែងជាមួយផ្លែតហ្វមមើលវីដេអូខ្លីដូចជា TikTok ឬ YouTube Shorts មែន លោក Elon Musk អាចនឹងត្រូវបន្ថែមចំណុចពិសេសថ្មីៗ និងត្រូវបន្ថែមរយៈពេលមើលវីដេអូខ្លីរបស់ខ្លួន ពោលគឺមិនមែនត្រឹមតែ៦វិនាទីដូចមុននោះទេ៕
ប្រភព៖ TIME