អ៊ុយក្រែននៅពេលនេះដែរកំពុងស្ថិតក្នុងចំណាប់អារម្មណ៍ពិភពលោក ខណៈពេលដែលប្រទេសនេះស្ថិតក្រោមការលុកលុយរបស់មហាអំណាចរុស្ស៊ី។
ចំពោះទំនាក់ទំនងការទូតរវាងកម្ពុជា និងអ៊ុយក្រែនវិញចាប់ផ្ដើមតាំងពីខែមេសា ឆ្នាំ១៩៩២។ នេះបើតាមក្រសួងការបរទេសកម្ពុជា។
យ៉ាងណាមិញ អ៊ុយក្រែនមិនមានស្ថានទូតនៅកម្ពុជាទេ ដោយឯកអគ្គរដ្ឋទូតរបស់ប្រទេសអឺរ៉ុបខាងកើតមួយនេះមាននិវេសនដ្ឋាន ឬ ប៉ុស្តិ៍នៅរដ្ឋធានីហាណូយ ប្រទេសវៀតណាម។
ចំណែកឯកម្ពុជាវិញក៏មិនមានស្ថានទូតនៅអ៊ុយក្រែនដែរ។ កាលពីខែកុម្ភៈកន្លងទៅ ក្រសួងការបរទេសកម្ពុជាបានឱ្យដឹងថា ជនជាតិខ្មែរមានប្រមាណតែ ២៣នាក់ប៉ុណ្ណោះ (អតីតនិស្សិតសូវៀតមានគ្រួសារនៅអ៊ុយក្រែន) ដែលបន្តស្នាក់នៅក្នុងប្រទេសនេះ៕
