កាលពីពេលថ្មីៗនេះ ក្រុមហ៊ុនរងយន្តរបស់អាល្លឺម៉ង់ Mercedes Benz បានសម្រេចលក់ទ្រព្យសម្បត្តិក្រុមហ៊ុនទាំងមូលដែលមាននៅប្រទេសរុស្ស៊ីតែម្តង។
ក្រសួងឧស្សាហកម្ម និងពាណិជ្ជកម្មរុស្ស៊ី បានឱ្យដឹងថា ក្រុមហ៊ុនផលិតរថយន្តអាល្លឺម៉ង់ Mercedes-Benz បានលក់ទ្រព្យសម្បត្តិខ្លួនទាំងអស់ក្នុងប្រទេសរុស្ស៊ីទៅឱ្យក្រុមហ៊ុនវិនិយោគធំមួយរបស់រុស្ស៊ី គឺ Avtodom ។ ជុំវិញនៃការចាកចេញរបស់ Mercedes លើកនេះធ្វើឲ្យក្រុមហ៊ុនមួយនេះក្លាយជាអ្នកចុងក្រោយគេបង្អស់ដែលត្រូវបានវិចបង្វិចទៅស្រុកមាតុភូមវិញ។
យ៉ាងណាមិញ អគ្គនាយករបស់ក្រុមហ៊ុន Mercedes-Benz លោក Natalya Koroleva បាននិយាយមុននឹងចាកចេញពីប្រទេសរុស្ស៊ីថា “ក្នុងការបញ្ចប់កិច្ចព្រមព្រៀងជាមួយក្រុមហ៊ុន Avtodom គាត់បំពេញកាតព្វកិច្ចចំពោះអតិថិជននៅប្រទេសរុស្ស៊ី ក៏ដូចជាការរក្សាការងារសម្រាប់បុគ្គលិកនៃផ្នែករុស្ស៊ីរបស់ក្រុមហ៊ុន”។
គួរបញ្ជាក់ផងដែរថា Mercedes-Benz មិនមែនជាក្រុមហ៊ុនរថយន្តទីមួយនោះទេ ដែលចាកចេញពីរុស្សុី ពោលគឺកន្លងមក ក្រុមហ៊ុនជប៉ុន Nissan Motor Co បានសម្រេចចិត្តខាតលុយជិត ៤៨៩លានដុល្លារ ដោយលក់ទ្រព្យសម្បត្តិខ្លួនទាំងអស់នៅរុស្ស៊ី ដើម្បីចាកចេញពីប្រទេសរុស្ស៊ី៕
ប្រភព៖ Auto Blog
