ទីភ្នាក់ងារថាមពលបរមាណូរបស់ប្រទេសអ៊ីរ៉ង់បានចោទប្រកាន់ថាពួកជនអនាមិក (Hacker) មិនស្គាល់អត្តសញ្ញាណបានលួចចូលទៅក្នុងបណ្តាញរបស់ក្រុមហ៊ុន ដែលបុត្រសម្ព័ន្ធរបស់ខ្លួន ហើយបានចូលប្រើប្រាស់ប្រព័ន្ធអ៊ីមែលរបស់ខ្លួនដោយសេរីថែមទៀត។
ក្រោយមក ក្រុមជនអនាមិក (Hacker ឈ្មោះ Black Reward បានអះអាងទទួលខុសត្រូវលើការលួចចូលប្រើទិន្នន័យនេះ ហើយបានលើកឡើងថា ខ្លួនបានបញ្ចេញរូបភាពនៃទីតាំងនុយក្លេអ៊ែររបស់អ៊ីរ៉ង់ និងព័ត៌មានអំពីអង្គការថាមពលបរមាណូរបស់អ៊ីរ៉ង់ យ៉ាងហោចណាស់ ៥០ ជីហ្គាបៃ។
ទោះបីជាយ៉ាងនេះក៏ដោយ ទីភ្នាក់ងារថាមពលបរមាណូរបស់ប្រទេសអ៊ីរ៉ង់ មិនបានបង្ហាញពីការព្រួយបារម្ភនោះទេ ដោយនិយាយថា “ការចូលប្រើទិន្នន័យដោយគ្មានការអនុញ្ញាតពីប្រភពបរទេសជាក់លាក់មួយ ចំពោះប្រព័ន្ធអ៊ីមែលរបស់ក្រុមហ៊ុននេះនាំឱ្យមានការចេញផ្សាយខ្លឹមសារនៃអ៊ីមែលមួយចំនួននៅលើប្រព័ន្ធផ្សព្វផ្សាយសង្គម”៕
ប្រភព៖ India Today
