តោះសាកល្បងវិធីសាស្រ្ដ ​​ក្នុងការសម្រកក្បាលពោះយ៉ាងមានប្រសិទ្ធភាព សម្រាប់អ្នកម្ដាយដែលទើបតែសម្រាលកូនរួច

ប្រាកដណាស់ថាស្រ្ដីជាច្រើនកំពុងតែជួបប្រទះជាមួយនឹងបញ្ហានៃការមានក្បាលរីកធំ បន្ទាប់ពីសម្រាលកូនរួច ។ ជាហេតុធ្វើឲ្យស្រ្ដីជាច្រើនត្រូវបានបាត់បង់រូបសម្រស់របស់ខ្លួន ហើយពេលខ្លះធ្វើឲ្យពួកគេឈានទៅរកការបាក់ទឹកចិត្តថែមទៀតផង ។ តែយ៉ាងណាមិញ ប្រសិនជាអ្នកកំពុងតែស្ថិតក្នុងបញ្ហាទាំងអស់នេះ សូមឈប់ព្រួយបារម្ភទៅ ព្រោះថ្ងៃនេះKBN យើងបានលើកយកនូវវិធីសាស្រ្ដសាមញ្ញមួយចំនួនក្នុងការសម្រកក្បាលពោះ ចំពោះអ្នកម្ដាយដែលទើបតែសម្រាលកូនរួច ដូចខាងក្រោម ៖

• ទទួលទានទឹកឲ្យបានច្រើន

បន្ទាប់ពីការសម្រាលកូនរួច ច្បាស់ណាស់ថារាងកាយរបស់ស្រ្ដីនឹងត្រូវបាត់បង់ទឹកជាច្រើនក្នុងរាងកាយ ។ ដូច្នេះហើយការទទួលទានទឹកឲ្យបានគ្រប់គ្រាន់ នឹងជួយធ្វើឲ្យប្រព័ន្ធបញ្ចេញចោលរបស់ពួកគេដំណើរការបានល្អ   ជួយធ្វើឲ្យរាងកាយផលិតទឹកដោះបានកាន់តែប្រសើរ ព្រមទាំងជួយក្នុងការសម្រកទម្ងន់បានយ៉ាងល្អផងដែរ ។

• គ្រប់គ្រងរបបអាហារ

ការគ្រប់គ្រងរបបអាហារឲ្យបានត្រឹមត្រូវ គឺជារឿងដ៏ចាំបាច់មួយដែលអ្នកម្ដាយទើបតែសម្រាលកូនរួចគួរតែធ្វើ ។ ដូច្នេះហើយស្រ្ដីគួរតែធ្វើការតមអាហារ និងគ្រប់គ្រងរបបអាហាររបស់ខ្លួឲ្យបានត្រឹមត្រូវ ដើម្បីការពារការឡើងទម្ងន់បន្ថែមទៀត ជាពិសេសគឺត្រូវចៀសវាងនូវអាហារដែលមានជាតិស្ករខ្ពស់។

• ហាត់ប្រាណជារៀងរាល់ព្រឹក

ការធ្វើលំហាត់ប្រាណនៅពេលព្រឹកព្រលឹម គឺជាការរួមចំណែកដ៏ធំមួយក្នុងការដុតបំផ្លាញខ្លាញ់មិនល្អនៅក្នុងរាងកាយ ជាពិសេសសម្រាប់អ្នកម្ដាយដែលទើបតែសម្រាលកូនរួច ។ ប៉ុន្តែស្រ្ដីក៏គួរតែធ្វើការជ្រើសរើសនូវលំហាត់ប្រាណណាដែលមានលក្ខណៈស្រាលៗ ដូចជាការដើរ ឬការជិះកង់ ក្នុងរយៈពេល៣០នាទីក្នុងមួយថ្ងៃ ។

• កែប្រែទម្លាប់នៃការឈរ និងដើរ

ដោយសារតែក្នុងអំឡុងពេលពពោះ ស្រ្ដីភាគច្រើន​គឺតែងតែមានទម្លាប់ឈរ ឬដើរ ដោយទយពោះទៅមុខ ។ ដូច្នេះហើយបន្ទាប់ពីសម្រាលកូនរួច ស្រ្ដីទាំងអស់ដែលចង់សម្រកក្បាលពោះរបស់ខ្លួន គួរតែផ្លាស់ប្ដូរទម្លាប់នៃការដើរ ឬឈរបែបនេះ ដោយប្ដូរមកជាការដើរ  ឬឈរឲ្យត្រង់ដូចធម្មតាវិញ ។ ដើម្បីទទួលបានក្បាលពោះរាបស្មើ ព្រមទាំងជួយធ្វើឲ្យមានដំណើរស្រស់ស្អាតផងដែរ ។