ផ្លែត្របែក គឺជាផ្លែឈើដ៏ពេញនិយមមួយប្រភេទ ជាពិសេសក្នុងតំបន់អាស៊ី ដោយវាមិនត្រឹមតែសម្បូរទៅដោយវីតាមីនC ជំនួយដល់សុខភាពរាងកាយ និងសម្រស់ប៉ុណ្ណោះទេ ។ ប៉ុន្តែផ្លែត្របែកក៏សម្បូរទៅដោយគុណប្រយោជន៍ជាច្រើនក្នុងការព្យាបាលជម្ងឺមួយចំនួនផងដែរ ។
បើយោងទៅតាមការសិក្សាជាច្រើនបានបង្ហាញថា នៅក្នុងផ្លែត្របែក ១០០ក្រាម មានផ្ទុកនូវជាតិទឹករហូតដល់ទៅ៨៥ក្រាម។ មិនតែប៉ុណ្ណោះ ក៏មានផ្ទុកនូវជាតិគ្លុយកូស , ជាតិសាលុយឡូស , កាល់ស្យូម ផូស្វ័រ ជាតិដែក ប៉ូតាស្យូម និងវីតាមីនជាច្រើនផ្សេងទៀត ដូចជាវីតាមីន A និងវីតាមីនC ជាដើម… ។
តែយ៉ាងណាមិញទោះបីជាផ្លែត្របែក សម្បូរទៅដោយអាហាររូបត្ថម្ភជាច្រើនសម្រាប់រាងកាយពិតមែន ប៉ុន្តែមិនមែនមានន័យថាមនុស្សគ្រប់គ្នាសុទ្ធតែអាចទទួលទានផ្លែត្របែកបាននោះទេ ។
ជាពិសេសចំពោះក្រុមមនុស្សដែលបានរៀបរាប់ដូចខាងក្រោមនេះ ៖
- អ្នកជម្ងឺទឹកនោមផ្អែម
មនុស្សជាច្រើនប្រាកដជាគិតថាផ្លែត្របែក គឺល្អចំពោះអ្នកជម្ងឺទឹកនោមផ្អែម ។ នេះក៏ព្រោះតែ ផ្លែត្របែកសម្បូរទៅដោយវីតាមីនជាច្រើនសម្រាប់រាងកាយ ប៉ុន្តែចំពោះអ្នកជម្ងឺទឹកនោមមិនគួរទទួលទានច្រើនពេកនោះទេ ។ ប្រសិនបើអ្នកជម្ងឺទឹកនោមផ្អែមទទួលទានផ្លែត្របែកច្រើននោះ វានឹងធ្វើឲ្យពួកគេជួបប្រទះនូវបញ្ហាសុខភាពធ្ងន់ធ្ងរដូចជា ពិការភ្នែក ខូចក្រលៀន ខូចអវៈយវៈ ដែរឈានទៅដល់ការបាត់បង់អាយុជីវិត ថែមទៀតផង ។
- ស្រ្ដីមានផ្ទៃពោះ
ការទទួលទានផ្លែត្របែក គឺពិតជាល្អចំពោះសុខភាព ព្រោះវាបានផ្ដល់នូវអត្ថប្រយោជន៍ជាច្រើនចំពោះរាងកាយ ។ ប៉ុន្តែចំពោះស្រ្ដីមានផ្ទៃពោះមិនគួរទទួលទានផ្លែត្របែកឡើយ ព្រោះតែផ្លែត្របែកអាចធ្វើឲ្យស្រ្ដីមានផ្ទៃពោះ ពិបាកក្នុងការរំលាយអាហារ ព្រមទាំងហើមពោះ និងមិនស្រួលក្នុងខ្លួន ជាដើម ។
- អ្នកមានជម្ងឺក្រពះ
ចំពោះអ្នកមានជម្ងឺក្រពះពោះវៀន ការទទួលអាហារគឺជារឿងចាំបាច់បំផុតសម្រាប់ពួកគេដែលត្រូវយកចិត្តទុកដាក់ ។ជាមួយគ្នានេះផ្លែត្របែក ក៏ត្រូវបានគេហាមឃាត់ក្នុងការទទួលទានផងដែរ ព្រោះតែផ្លែត្របែកមានសភាពរឹង និងពិបាកក្នុងការរំលាយ ។ ដូច្នេះប្រសិនជាអ្នកជម្ងឺទទួលទាននោះ វានឹងធ្វើឲ្យកើតមានការឈឺចុកចាប់ក្រពះ ព្រមទាំងធ្វើឲ្យកើតមានការខូចក្រពះកាន់តែធ្ងន់ធ្ងរផងដែរ ។