ការឈឺចុករោយនៅតំបន់ខ្នង គឺជាអាការៈទូទៅមួយដែលកើតមានចំពោះមនុស្សគ្រប់វ័យទាំងអស់ ដោយសារតែអាការៈនៃជំងឺនេះអាចត្រូវបណ្ដាលមកពីមូលហេតុផ្សេងៗគ្នាជាច្រើន ។ ដែលជាទូទៅវាក៏អាចបណ្ដាលមកពីការអង្គុយយូរ ការគេងលើពូកឬគ្រែដែលមានសភាពរឹងពេក ក៏ដូចជាការប្រើប្រាស់កម្លាំង និងលើករបស់ធ្ងន់ធ្ងរហួសកម្រិតផងដែរ ។
យ៉ាងណាមិញបើយោងទៅតាមវេជ្ជបណ្ឌិត Padungchan Niwatpumin ជាគ្រូពេទ្យនៃមជ្ឈមណ្ឌលសរសៃប្រសាទខួរក្បាល និងឆ្អឹងខ្នង របស់មន្ទីរពេទ្យភីយ៉ាថៃ បានធ្វើការបង្ហាញប្រាប់អំពីមូលហេតុដែលបណ្ដាលឲ្យកើតមានការឈឺខ្នងដូចខាងក្រោម ៖
- គេងលើពូកដែលរឹងពេក ឬទន់ពេកមិនត្រឹមត្រូវតាមស្ដង់ដា
- ការលើករបស់ធ្ងន់ ការកាន់របស់ធ្ងន់ ឬពត់ខ្លួនខុស
- ការអង្គុយធ្វើការរយៈយូរឬមិនធ្វើចលនា
- ជំងឺពុកឆ្អឹង
- ភាពធាត់ ឬលើសទម្ងន់
- ការជក់បារី ជាដើម… ។
ជាមួយគ្នានេះ លោកវេជ្ជបណ្ឌិតក៏បានធ្វើការបង្ហាញប្រាប់បន្ថែមអំពីអាការៈ និងរោគសញ្ញានីមួយៗនៃការឈឺខ្នងដូចខាងក្រោម ផងដែរ ៖
- ឈឺខ្នងភ្លាមៗនៅពេលអ្នកធ្វើសកម្មភាពខ្លាំង ដូចជាលើករបស់ធ្ងន់ៗ
វាអាចត្រូវបានបណ្ដាលមកពីហានិភ័យនៃប្រព័ន្ធ musculoskeletal ឬការផ្លាស់ទីតាំងនៃឆ្អឹងខ្នងឬឌីស herniated
- ឈឺឆ្អឹងខ្នងកណ្តាល
បណ្ដាលមកពីហានិភ័យនៃការមានបញ្ហាជាមួយឌីស intervertebral ឬសន្លាក់ឆ្អឹងខ្នង
- ការឈឺខ្នងរាលទៅចំហៀង
ហានិភ័យបណ្ដាលមកពីការខូចនៃមុខងារសាច់ដុំឆ្អឹងខ្នង
- ឈឺចាប់រួមជាមួយនឹងការស្ពឹក
បណ្ដាលមកពីហានិភ័យនៃជំងឺប្រព័ន្ធសរសៃប្រសាទ
- ឈឺចាប់ដូចជាឆក់ចរន្តអគ្គិសនី
បណ្ដាលមកពីហានិភ័យសរសៃប្រសាទអាចត្រូវបានខ្ទាស់
- អស់កម្លាំង រួមជាមួយការឈឺខ្នង
អាចបណ្តាលមកពីសាច់ដុំ ដំណើរការខុសប្រក្រតី
ដូច្នេះប្រសិនជាលោកអ្នកកើតមាននូវអាការៈនៃការឈឺខ្នងណាមួយនោះ យល់ណាអ្នកគួរតែទៅកាន់មន្ទីរពេទ្យ ដើម្បីជួបជាមួយគ្រូពេទ្យជំនាញ ក្នុងការវិនិច្ឆ័យ និងស្វែងរករោគសញ្ញាឲ្យបានកាន់តែច្បាស់ និងមានសុវត្ថិភាព ។
