គ្រាន់តែទទួលទាន Celery លោកអ្នកអាចចៀសផុតពីជំងឺគ្រោះថ្នាក់ទាំងនេះ​បានដោយជោគជ័យ

Celery គឺជាបន្លែដ៏ពេញនិយមមួយប្រភេទ ដែលមិនត្រឹមតែផ្ដល់នូវគុណតម្លៃជាច្រើនចំពោះសុខភាពប៉ុណ្ណោះទេ ប៉ុន្តែវាក៏បានផ្ដល់ការជួយព្យាបាលជំងឺមួយចំនួនផងដែរ  ។ ជាពិសេសនោះវាក៏មានគុណតម្លៃក្នុងការជួយសម្រកទម្ងន់ បានយ៉ាងមានប្រសិទ្ធភាពថែមទៀតផង ។

ខាងក្រោមនេះគឺជាគុណតម្លៃដ៏ពិសេសរបស់ Celery ក្នុងការជួយព្យាបាលជំងឺ ដែលមនុស្សជាច្រើបានមើលរំលង៖

• ប្រឆាំងនឹងការរលាក

Celery មានផ្ទុកនូវសារធាតុ flavonoids និង polyphenols ដែលមានលក្ខណៈសម្បត្តិប្រឆាំងនឹងការរលាកបានយ៉ាងល្អ មិនតែប៉ុណ្ណោះ សារធាតុ luteolin ក៏អាចជួយបង្កើតប្រតិកម្មនៃការលាកបានយ៉ាងមានប្រសិទ្ធភាពថែមទៀតផង ។

• គាំទ្រដល់ការរំលាយអាហារឲ្យមានសុខភាពល្អ

នៅក្នុង Celery មានផ្ទុកនូវជាតិសរសៃរលាយ និងអង់ស៊ីមមានប្រយោជន៍សម្រាប់ប្រព័ន្ធរំលាយអាហារ ក្នុងការជួយធ្វើឲ្យប្រព័ន្ធរំលាយអាហារដំណើរបានល្អ ។ ជាមួយគ្នានេះ វាក៏ជួយឲ្យក្រពះពោះវៀនដំណើរការល្អ  ព្រមទាំងស្រូបយកសារធាតុចិញ្ចឹមចូលបានក្នុងរាងកាយបានត្រឹមត្រូវផងដែរ ។

• ការពារការឆ្លងមេរោគតាមរយៈផ្លូវទឹកនោម

Celery មានសមត្ថភាពពិសេសលើសពីបន្លែដទៃ  ដោយវាអាចជួយកាត់បន្ថយអាស៊ីតអ៊ុយរិច ព្រមទាំងការពាររាងកាយពីការឆ្លងមេរោគតាមរយៈផ្លូវទឹកនោម ផងដែរ ។ ជាងនេះទៅទៀត Celery ក៏អាចជួយបញ្ចុះទឹកនោម ព្រមទាំងការពារការឆ្លងមេរោគពីបាក់តេរីផ្សេងៗដែលអាចតោងជាប់តាមរយៈទឹកនោមបានយ៉ាងមានប្រសិទ្ធភាព ។

• ព្យាបាលមុន​ និងកាត់បន្ថយស្នាមអុចខ្មៅលើស្បែក

ដោយសារតែCelery មានសមត្ថភាពប្រឆាំងនឹងការរលាកខ្ពស់ ព្រមទាំងប្រឆាំងនឹងបាក់តេរីបានយ៉ាងល្អផងដែរ ។ ដូច្នេះប្រសិនជាអ្នកទទួលទានវាបានត្រឹមត្រូវនោះ វាក៏អាចជួយកាត់បន្ថយការកើតមុននៅលើផ្ទៃមុខ ក៏ដូចជាកាត់បន្ថយស្នាមអុចខ្មៅ និង​អាចម៍រុយនៅលើស្បែកបានយ៉ាងល្អផងដែរ ។

• ជួយឲ្យឆ្អឹងមានសុខភាពល្អ

នៅក្នុងCelery មានផ្ទុកនូវកាល់ស្យូម និងស៊ីលីកុនខ្ពស់ ដែលមានសមត្ថភាពក្នុងការជួយពង្រឹងសាច់ដុំ សន្លាក់ និងឆ្អឹង ឲ្យមានភាពរឹងមាំ និងមានសុខភាពល្អ ។

• ការពារថ្លើម

បើយោងទៅតាមការសិក្សាជាច្រើនបានបង្ហាញថា Celery មានសមត្ថភាពក្នុងការកាត់បន្ថយជាតិខ្លាញ់ដែលលើសនៅក្នុងថ្លើម​ ។ លើសពីនេះវាក៏មានសមត្ថភាពក្នុងការជួយកាត់បន្ថយជាតិខ្លាញ់ក្នុងឈាម និងអង់ស៊ីមថ្លើម ដែលជួយការពារថ្លើមឲ្យមានសុខភាពល្អ ផងដែរ ។