ចង់ការពាររាងកាយអ្នកពីជំងឺកាចសាហាវទាំងនេះ ដាច់ខាតកុំរំលងបន្លែមួយប្រភេទនេះឲ្យសោះ

Celery គឺជាបន្លែដ៏ពេញនិយមមួយប្រភេទ ដែលមិនត្រឹមតែផ្ដល់នូវគុណតម្លៃជាច្រើនចំពោះសុខភាពប៉ុណ្ណោះទេ ប៉ុន្តែវាក៏បានផ្ដល់ការជួយព្យាបាលជំងឺមួយចំនួនផងដែរ  ។ ជាពិសេសនោះវាក៏មានគុណតម្លៃក្នុងការជួយសម្រកទម្ងន់ បានយ៉ាងមានប្រសិទ្ធភាពថែមទៀតផង ។

ខាងក្រោមនេះគឺជាគុណតម្លៃដ៏ពិសេសរបស់ Celery ក្នុងការជួយព្យាបាលជំងឺ ដែលមនុស្សជាច្រើបានមើលរំលង៖

• កាត់បន្ថយការសម្រកទម្ងន់

Celery ត្រូវបានគេដឹងថាមានតម្លៃយ៉ាងច្រើនក្នុងការជួយសម្រកទម្ងន់ប្រកបដោយប្រសិទ្ធភាព ។ នេះក៏ព្រោះតែCelery មានផ្ទុកនូវជាតិទឹក និងជាតិសរសៃរលាយជាច្រើន ដែលជួយឲ្យអ្នកទទួលទានមានអារម្មណ៍ឆ្អែតបានយូរ និងកាត់បន្ថយការឃ្លានអាហារប្រកបដោយប្រសិទ្ធភាព ។

• ជួយបន្ថយសំពាធឈាម

Celery មានសមត្ថភាពក្នុងការជួយកាត់បន្ថយភាពតានតឹង និងការពារការកើនឡើងនៃសំពាធឈាមបានយ៉ាងមានប្រសិទ្ធភាព ។ មិនតែប៉ុណ្ណោះ វាក៏ជួយទប់ស្កាត់នូវហានិភ័យនៃការស្ទះសរសៃឈាម និងជំងឺដាច់សរសៃឈាមខួរក្បាលផងដែរ។

• ជួយកាត់បន្ថយជាតិខ្លាញ់ក្នុងឈាម

សារធាតុ 3-n-butylphthalide ដែលមាននៅក្នុងCelery ត្រូវបានគេដឹងថា អាចជួយកាត់បន្ថយជាតិខ្លាញ់ក្នុងឈាម ព្រមទាំងរារាំងកូឡេស្ដេរ៉ូលអាក្រក់ក្នុងរាងកាយបានយ៉ាងល្អ ។ ជាមួយគ្នានេះវាក៏ជួយធ្វើឲ្យប្រសើរឡើងនូវប្រព័ន្ធសរសៃឈាមបេះដូង ក្នុងការកាត់បន្ថយការលើសកូឡេស្ដេរ៉ូលក្នុងរាងកាយផងដែរ ។

• ការពារជំងឺមហារីក

សារធាតុ​ polyacetylenes​ ដែលមាននៅក្នុង Celery មានសមត្ថភាពក្នុងការរារាំង និងកាត់បន្ថយការបង្កើតកោសិកាមហារីកបានយ៉ាងមានប្រសិទ្ធភាព ។  មិនតែប៉ុណ្ណោះ វាក៏មានផ្ទុកនូវសារធាតុ flavonoids និង អាស៊ីត phenolic ដែលមានសមត្ថភាពការពារដុំសាច់ និងបំផ្លាញកោសិកាមហារីកបានយ៉ាងមានប្រសិទ្ធភាពផងដែរ ។