ធាត់ គឺជាបញ្ហាដ៏ធ្ងន់ធ្ងរមួយដែលមនុស្សជាច្រើននាពេលបច្ចុប្បន្នកំពុងតែជួបប្រទះ ជាពិសេសចំពោះស្រ្ដី ។ បើទោះបីជា ពួកគេស្វែងរកនូវវិធីសាស្រ្ដជាច្រើនដើម្បីដោះស្រាយ រួមទាំងចំណាយលុយជាច្រើនក្នុងការទិញផលិតផល ក៏ដូចជាចំណាយទៅលើអាហារសុខភាពជាច្រើនក៏ដោយ ក៏ប៉ុន្តែនៅតែមិនទទួលបានលទ្ធផល ។ ដូច្នេះថ្ងៃនេះKBN យើងសូមធ្វើការណែនាំនូវវិធីសាស្រ្ដមួយចំនួន ដែលអាចជួយដោះស្រាយបញ្ហាទាំងអស់នេះបានយ៉ាងមានប្រសិទ្ធភាព ព្រមទាំងទទួលបាននូវសុខភាពល្អ រួមទាំងមិនត្រូវការចំណាយលុយថែមទៀតផង ។
- កាត់បន្ថយការទទួលទានអាហារខ្លាញ់មិនឆ្អែត
ចំពោះអ្នកចង់សម្រកទម្ងន់ រឿងដែលចាំបាច់និងសំខាន់បំផុតសម្រាប់ពួកគេនោះគឺ ការកាត់បន្ថយអាហារដែលសម្បូរទៅដោយខ្លាញ់មិនឆ្អែត ។ ប៉ុន្តែក្នុងន័យនេះមិនមែនមានន័យថា តម្រូវឲ្យអ្នកកាត់បន្ថយវាទាំងស្រុងនោះទេ តែអ្នកអាចធ្វើការកាត់បន្ថយបរិមាណនៃអាហារទាំងនេះ ឲ្យមកនូវត្រឹមបរិមាណតិចតួចបំផុត គឺជាការល្អ ។
- ទទួលទានអាហារដែលមានខ្លាញ់ល្អឲ្យបានច្រើន
ដើម្បីកាត់បន្ថយបរិមាណខ្លាញ់មិនល្អដែលបណ្ដាលឲ្យធាត់ក្នុងរាងកាយ អ្នកគួរតែទទួលទានបរិមាណខ្លាញ់ល្អឲ្យបានច្រើនដើម្បីជំនួសខ្លាញ់មិនល្អ ។ ដោយអាហារដែលសម្បូរទៅដោយខ្លាញ់ល្អ មានដូចជាត្រី គ្រាប់ធញ្ញជាតិ និងប្រេងអូលីវ ជាដើម…។
- ទទួលទានអាហារជាតិសរសៃរលាយ
ការទទួលទានអាហារដែលសម្បូរទៅដោយជាតិសរសៃរលាយ គឺជាវិធីសាស្រ្ដដ៏ល្អបំផុតមួយក្នុងការកាត់បន្ថយបរិមាណខ្លាញ់ដែលមិនល្អក្នុងរាងកាយ ព្រមទាំងជួយសម្រកទម្ងន់បានយ៉ាងមានប្រសិទ្ធភាពថែមទៀតផង ។ ដោយអាហារដែលសម្បូរទៅដោយជាតិសរសៃរលាយមានដូចជា គ្រប់ធញ្ញជាតិ ផ្លែល្ពៅ ផ្លែប៉ោម ផ្លែស្រកានាគ ផ្លែព្រូន និងផ្លែចេកជាដើម ជាមួយគ្នានេះផ្លែឈើទាំងនេះក៏សម្បូរទៅដោយសារធាតុចិញ្ចឹមជាច្រើនល្អសម្រាប់រាងកាយផងដែរ ។