ទឹក គឺជាប្រភពដ៏សំខាន់បំផុតមួយនៃរាងកាយ ដោយការទទួលទានទឹកបានគ្រប់គ្រាន់មិនត្រឹមតែជួយឲ្យរាងកាយទទួលបានថាមពលពេញលេញ និងស្រស់ស្រាយប៉ុណ្ណោះទេ ប៉ុន្តែទឹកក៏បានជួយដោះស្រាយបញ្ហានៃជំងឺមួយចំនួនផងដែរ ។ ជាពិសេសការទទួលទានទឹកនៅពេលព្រឹកព្រលឹម ដែលជាពេលវេលាដ៏មានតម្លៃបំផុត ក្នុងការជួយធ្វើឲ្យអ្នកអាចទទួលបានអត្ថប្រយោជន៍ដ៏ច្រើនលើសលប់ពីទឹក រួមទាំងជួយថែរក្សារូបសម្រស់ឲ្យនៅតែមានភាពក្មេងជាងវ័យទៀតផង។
ខាងក្រោមនេះ គឺជាភេសជ្ជៈទាំង៤ប្រភេទ ដែលអ្នកមិនគួរទទួលទាននៅពេលព្រឹកព្រលឹមឡើយ ៖
- ទឹកដែលក្ដៅពេក ឬត្រជាក់ពេក
បន្ទាប់ពីការគេងអស់រយៈច្រើនម៉ោង រាងកាយនឹងអស់កម្លាំងហើយខ្សោះជាតិទឹក ។ ប៉ុន្តែប្រសិនជាអ្នកផឹកទឹកដែលត្រជាក់ខ្លាំងពេកនោះ វាងាយនឹងធ្វើឲ្យមានការប៉ះពាល់ដល់ក្រពះពោះវៀនរបស់អ្នកយ៉ាងងាយ មិនតែប៉ុណ្ណោះវាក៏បណ្ដាលឲ្យកើតមានការឈឺក្រពះ ក៏ដូចជាឈឺពោះ និងរាគរូសជាដើម ។ ដោយឡែក ប្រសិនជាអ្នកធ្វើការផឹកនូវទឹកក្ដៅខ្លាំងពេកនោះ វាអាចបំផ្លាញបំពង់អាហារអ្នកបានយ៉ាងងាយផងដែរ ។
- ទឹកដាំរយៈពេលយូរ
ទឹកដែលដាំក្នុងរយៈពេលយូរ ពិតជាមានគ្រោះថ្នាក់ចំពោះអ្នកទទួលទានជាខ្លាំង ព្រោះវាមិនត្រឹមតែធ្វើឲ្យទឹកទាំងអស់នោះប្រមូលផ្ដុំទៅដោយបាក់តេរីជាច្រើននោះទេប៉ុន្តែវាក៏ធ្វើឲ្យសារធាតុសរីរាង្គដែលមានអាសូតនិងdecompose ប្រែក្លាយជា nitrite ថែមទៀតផង ។ មិនតែប៉ុណ្ណោះវាក៏បណ្តាលឱ្យមានផលប៉ះពាល់ដល់មុខងារដឹកអុកស៊ីសែនរបស់ឈាម ព្រមទាំងប៉ះពាល់ដល់សកម្មភាពខាងក្នុងនៃរាងកាយផងដែរ ។
- ទឹកផ្លែឈើស្រស់
ទឹកផ្លែឈើស្រស់ គឺជាភេសជ្ជៈដ៏ល្អមួយសម្រាប់សុខភាពនិងសម្រស់ តែយ៉ាងណាមិញមិនមែនមានន័យថាអ្នកសុទ្ធតែអាចទទួលទានវាបានគ្រប់ពេលនោះឡើយ ជាពិសេសនៅពេលព្រឹកព្រលឹម។នេះក៏ដោយសារតែនៅក្នុងដំណើរការ juicing ជាច្រើននៃ fructose និងគ្លុយកូស ត្រូវបានបញ្ចេញ ជាហេតុធ្វើឲ្យមានការកើនឡើងនៃជាតិស្ករក្នុងឈាម ដែលអាចបង្កឱ្យកើតមានជំងឺទឹកនោមផ្អែម។ លើសពីនេះវាក៏ងាយបង្កឱ្យកើតមានជំងឺធាត់ ហើម អស់កម្លាំង និងបង្កជាផលវិបាកនៃការកើនឡើងជាតិស្ករក្នុងឈាមដ៏គ្រោះថ្នាក់ថែមទៀតផង ។
- តែ
បន្ទាប់ពីការគេងអស់រយៈពេលជាច្រើនម៉ោង ក្រពះរបស់អ្នកប្រកដជាទទេហើយមានអារម្មណ៍ថាខ្លានអាហារ ។ ដូច្នេះប្រសិនជាអ្នកទទួលទានតែ វាពិតជាបង្កគ្រោះថ្នាក់យ៉ាងខ្លាំងចំពោះក្រពះពោះវៀនរបស់អ្នក មិនតែប៉ុណ្ណោះវាក៏ងាយធ្វើឲ្យអ្នកជួបប្រទះនូវការបញ្ចេញអាស៊ីតក្រពះច្រើន ព្រមទាំងរារាំងនូវការស្រូបយកជាតិដែកជាច្រើន រួមទាំងធ្វើឲ្យខូចភ្នាសនៃក្រពះថែមទៀតផង ។