វាមិនមែនជារឿងអ្វីដែលគួរតែខ្មាសអៀននោះទេ ប្រសិនបើនរណាម្នាក់និយាយអំពីបញ្ហាសុខភាពបន្តពូជ។តើអ្នកដឹងទេថា មានការសិក្សាស្រាវជ្រាវជាច្រើន បានរកឃើញថារឿងជីវិតអាពាហ៍ពិពាហ៍ ប្រសិនបើដៃគូរទាំងសងខាងមិនបានរួមភេទរយៈពេលយូរនោះ វាពិតជាបានផ្ដល់នូវផលប៉ះពាល់ជាច្រើនក្នុងជីវិតប្រចាំថ្ងៃ រួមទាំងសុខភាពដៃគូរទាំងសងខាងផងដែរ ។
ដោយការមិនរួមពេលរយៈពេលយូរ មិនត្រឹមតែផ្ដល់នូវផលប៉ះពាល់ដល់ស្មារតីមនុស្សស្រីប៉ុណ្ណោះទេ ប៉ុន្តែវាក៏បានផ្ដល់នូវផលប៉ះពាល់ដល់សុខភាពថែមទៀតផង។ ជាមួយគ្នានេះសម្រាប់អ្នកដែលមិនបានរួមរស់ជាមួយគ្នាយូរជាប្តីប្រពន្ធ ភាគីទាំងសងខាងអាចធ្វើឱ្យខូចខាតទាំងផ្លូវកាយ និងផ្លូវចិត្តរួមទាំងមុខងារមួយចំនួនក៏អាចចុះខ្សោយដោយសារបញ្ហានេះដែរ ។
លើសពីនេះ វាក៏បានផ្ដល់នូវផលអវិជ្ជមានចំពោះសុខភាពរាងកាយដូចខាងក្រោមផងដែរ ៖
– គេងមិនលក់ និងកើតមានជំងឺធ្លាក់ទឹកចិត្ត
បើយោងទៅតាមការសិក្សាស្រាវជ្រាវជាច្រើនបានបង្ហាញថា ប្រសិនបើដៃគូជីវិតអាពាហ៍ពិពាហ៍របស់អ្នក មិនបានរួមភេទក្នុងរយៈពេលយូរនោះ វាបានផ្ដល់នូវផលប៉ះពាល់ដល់សរសៃប្រសាទ ជាហេតុធ្វើឱ្យស្ត្រីមានអារម្មណ៍ឯកោ ថប់បារម្ភ និងងាយមានអារម្មណ៍ឆាប់ខឹងមួម៉ៅ។ លើសពីនេះវាក៏អាចបណ្ដាលឲ្យស្ត្រីបាត់បង់ជំនឿចិត្តលើខ្លួនឯង ព្រមទាំងអាចកាត់បន្ថយគុណភាពនៃការគេងបានយ៉ាងងាយផងដែរ។
– ចាស់ជាងអាយុ
ប្រសិនបើជីវិតអាពាហ៍ពិពាហ៍មានភាពរីករាយនិងចុះសម្រុងគ្នា ស្ត្រីនឹងមើលទៅភ្លឺថ្លា និងពោរពេញដោយថាមពល ។ តែយ៉ាងណាមិញប្រសិនបើស្ត្រីមិនមានទំនាក់ទំនងប្តីប្រពន្ធរយៈពេលយូរនោះ វាត្រូវបានគេរកឃើញថាអាចបណ្ដាលឲ្យកើតមានផលប៉ះពាល់ជាច្រើនដល់រាងកាយ ជាពិសេសធ្វើឲ្យដៃគូរទាំងសងខាងងាយចាស់ជាងអាយុ ដោយសារតែទាក់ទងជាមួយបញ្ហាអ័រម៉ូន នឹងជាពិសេសគឺជីវិតអាពាហ៍ពិពាហ៍និងមិនចុះសម្រុងគ្នាឡើយ។
– ងាយកើតមានជំងឺរោគស្ត្រី
ស្ត្រីដែលនៅលីវរយៈពេលយូរ នឹងស្រ្ដីដែលរៀបការហើយជួបប្រទះជាមួយជីវិតអាពាហ៍ពិពាហ៍មិនសមប្រកបនោះ វានឹងធ្វើឲ្យពួកគេជួបប្រទះនូវបញ្ហានៃការបាត់បង់ចំណង់នៃការរួមភេទ ។ ជាហេតុធ្វើឲ្យប្រដាប់ភេទស្រ្ដី នឹងក្លាយទៅជាស្ងួតហើយកាត់បន្ថយសមត្ថភាពសុខភាពរាងកាយរបស់ពួកគេ ព្រមទាំងធ្វើឲ្យពួកគេងាយនឹងទទួលការេវាយប្រហារពីមេរោគ និងជំងឺរោគស្រ្ដីមួយចំនួនផងដែរ។