សព្វថ្ងៃនេះមានមនុស្សជាច្រើនកំពុងតែជួបប្រទះជាមួយបញ្ហានៃការឡើងទម្ងន់ ។ ប៉ុន្តែមនុស្សតិចណាស់ដែលបានដឹងអំពីផលប៉ះពាល់នៃការសម្រកទម្ងន់មិនបានត្រឹមត្រូវ ដោយស្រ្ដីជាច្រើនជ្រើសរើសវិធីសាស្រ្ដបង្អត់អាហារ ដើម្បីអាចស្រកទម្ងន់បានយ៉ាងឆាប់រហ័ស តាមដែលពួកគេចង់បាន។ ទោះជាយ៉ាងណាក៏ដោយ ក៏ធ្វើបែបនេះវាពិតជាមានផលប៉ះពាល់ចំពោះសុខភាពជាច្រើន ដោយការរំលងការញ៉ាំអាហារបែបនេះ វាពិតជាអាចជួយឱ្យអ្នកស្រកទម្ងន់បានលឿនក៏ពិតមែន ប៉ុន្តែវាផ្ដល់នូវផលអាក្រក់ចំពោះសុខភាព ដូចជាធ្វើឱ្យបាត់បង់សាច់ដុំ ធ្វើឱ្យរាងកាយចុះខ្សោយ និងធ្វើឱ្យអ្នកអស់កម្លាំងបានយ៉ាងងាយ ។ មិនត្រឹមតែប៉ុណ្ណោះ ការសម្រកទម្ងន់ដោយការបង្អត់អាហារ ក៏ធ្វើឱ្យសុខភាពរបស់ប្រឈមនឹងហានិភ័យរាប់មិនអស់ផ្សេងទៀតផងដែរ ។
ខាងក្រោមនេះគឺជាគុណវិបត្តិមួយចំនួននៃការតបអាហារ ជាពិសេសនោះគឺកាត់បន្ថយគុណភាពក្នុងការស្រកទម្ងន់ ៖
1. កង្វះអាហារូបត្ថម្
ភនេះជាផលវិបាកជាក់ស្តែងបំផុតមួយនៃការអនុវត្តវិធីសម្រកទម្ងន់មិនមានប្រសិទ្ធភាព ដោយសារតែការតមអាហារជាហេតុធ្វើឱ្យរាងកាយមិនត្រូវបានផ្តល់សារធាតុចិញ្ចឹមគ្រប់គ្រាន់ នឹងធ្វើឲ្យរាងកាយចាប់ផ្តើមចុះខ្សោយ ជាហេតុបណ្តាលឱ្យកង្វះអាហារូបត្ថម្ភចំពោះរាងកាយ។
លើសពីនេះ ការតមអាហារដើម្បីបញ្ចុះទម្ងន់ក៏អាចនាំឱ្យរាងកាយអ្នកខ្វះជាតិកាល់ស្យូម ធ្វើឱ្យសក់ងាយជ្រុះ ក្រចកផុយ ធ្វើឱ្យប្រព័ន្ធការពាររាងកាយចុះខ្សោយ សូម្បីតែឆ្អឹង និងសន្លាក់ក៏ចុះខ្សោយដែលជាហេតុបណ្តាលឱ្យងាយពុកឆ្អឹងផងដែរ ។ យ៉ាងណាមិញបើទោះបីជាអ្នកកំពុងតែតមអាហារក៏ដោយ ក៏ប៉ុន្តែអ្នកក៏គួរតែមានការទទួលទាននូវអាហារដែលកាឡូរីទាបផងដែរ ដើម្បីឲ្យរាងកាយទទួលបានសារធាតុចិញ្ចឹមជាច្រើនរួមមានដូចជា កាល់ស្យូម វីតាមីន D វីតាមីន B-12 ជាតិ folate និងជាតិដែកជាដើម ។
2. ជំងឺបេះដូង
ការតមអាហារដើម្បីសម្រកទម្ងន់ ក៏ត្រូវបានគេរកឃើញថាមានការប៉ះពាល់ទៅនឹងសុខភាពបេះដូងផងដែរ ។ ដោយវាអាចបណ្ដាលឱ្យរាងកាយមិនទទួលបានសារធាតុចិញ្ចឹមគ្រប់គ្រាន់ ហើយសម្ពាធឈាមក៏ត្រូវធ្លាក់ចុះយ៉ាងនិងឆាប់រហ័សផងដែរ។ ជាមួយគ្នានេះនៅពេលដែលសម្ពាធឈាមចុះទាប នោះជាហេតុធ្វើឲ្យបេះដូងត្រូវធ្វើការកាន់តែខ្លាំង ដើម្បីបូមឈាមទៅកាន់ផ្នែកផ្សេងៗនៃរាងកាយ ព្រមទាំងបណ្ដាលឲ្យកើតមាននូវជំងឺបេះដូង និងជំងឺខ្សោយបេះដូងផងដែរ។