នំបុ័ងស្រូវសាលី គឺជានំបុ័ងពណ៌ត្នោត ដែលត្រូវបានគេបង្កើតឡើងពីម្សៅស្រូវសាលីទាំងមូល ឬស្រូវសាលីដែលមិនបានចម្រាញ់។ដោយនំប៉័ងប្រភេទនេះ ត្រូវបានគេចាត់ថ្នាក់ថាជាអាហារសុខភាពដ៏ល្អ ព្រោះតែវាសម្បូរទៅដោយសារធាតុចិញ្ចឹម សារធាតុរ៉ែ និងវីតាមីនដែលមានប្រយោជន៍ដល់រាងកាយជាច្រើន រួមទាំងសារធាតុប្រឆាំងអុកស៊ីតកម្មជាច្រើនផ្សេងទៀតផងដែរ ។
ជាមួយគ្នានេះ បើយោងទៅតាមការសិក្សាវិទ្យាសាស្ត្រជាច្រើន បានបង្ហាញថា ការទទួលទាននំបុ័ងស្រូវសាលី អាចជួយកាត់បន្ថយកម្រិតជាតិស្ករក្នុងឈាម ព្រមទាំងប្រយុទ្ធប្រឆាំងនឹងជំងឺសរសៃឈាមបេះដូង និងការពារហានិភ័យនៃជំងឺមហារីកប្រភេទមួយចំនួនបានថែមទៀតផង ។
យ៉ាងណាមិញបើនិយាយអំពីតម្លៃអាហាររូបត្ថម្ភរបស់វា នំប៉័ងស្រូវសាលី100 ក្រាម ត្រូវបានគេដឹងថា អាចផ្តល់ថាមពលចំពោះរាងកាយប្រហែល 254 គីឡូកាឡូរី រួមទាំងសារធាតុចិញ្ចឹមដូចខាងក្រោម៖
- កាបូអ៊ីដ្រាត ៤៣,១ ក្រាម
- ប្រូតេអ៊ីន 12,3 ក្រាម
- ខ្លាញ់ ៣.៥៥ ក្រាម
- សូដ្យូម 450 មីលីក្រាម
- ប៉ូតាស្យូម 250 មីលីក្រាម
- ផូស្វ័រ 212 មីលីក្រាម
- កាល់ស្យូម ១៦៣ មីលីក្រាម
- ម៉ាញ៉េស្យូម ៧៦,៦ មីលីក្រាម
- វីតាមីន C 55 មីលីក្រាម
- កូលីន (Choline) ២៧,២ មីលីក្រាម
- សេលេញ៉ូម (Selenium) 25.8 mcg ។
លើសពីនេះ នំប៉័ងស្រូវសាលីក៏មានផ្ទុកនូវសារធាតុរ៉ែជាច្រើនដូចជា សារធាតុម៉ង់ហ្គាណែស ជាតិដែក ទង់ដែង ស័ង្កសី រួមជាមួយនឹងវីតាមីនជាច្រើនដូចជា វីតាមីន A វីតាមីន E វីតាមីន B1 វីតាមីន B2 វីតាមីន B3 វីតាមីន B5 វីតាមីន B6 និងវីតាមីន B9 ជាដើម ។
