ទូរស័ព្ទដៃ កុំព្យូទ័រ គឺសុទ្ធសឹងតែជាគ្រឿងអេឡិចត្រូនិចដ៏ពេញនិយមបំផុតមួយសម្រាប់មនុស្សគ្រប់គ្នានាសម័យបច្ចុប្បន្ននេះ ។ ដោយមានមនុស្សជាច្រើនតែងតែចំណាយពេលទៅលើវា ដោយមិនបានដឹងពីផលប៉ះពាល់ចំពោះសុខភាពរាងកាយឡើយ ។
ទូរស័ព្ទដៃគឺពោរពេញទៅដោយជាតិវិទ្យុសកម្ម ដែលប៉ះពាល់ជាខ្លាំងចំពោះសុខភាពរាងកាយ ជាពិសេសវាមិនសាកសមចំពោះកូនក្មេង និងស្រ្ដីមានផ្ទៃពោះប្រើប្រាស់ឡើយ ។
ខាងក្រោមនេះគឺជារឿងមួយចំនួនដែលត្រូវបានអ្នកជំនាញហាមឃាត់ក្នុងការប្រើប្រាស់ទូរស័ព្ទ ៖
– យកទូរស័ព្ទចូលក្នុងបន្ទប់ទឹក
ការយកទូរស័ព្ទដៃចូលទៅក្នុងបង្គន់ គឺជារឿងដ៏គ្រោះថ្នាក់មួយសម្រាប់មនុស្សគ្រប់គ្នា ។ ដោយពួកគេភាគច្រើនមិនបានដឹងទេថា បន្ទប់ទឹកគឺជាកន្លែងផ្ទុកទៅដោយមេរោគ និងបាក់តេរីរាប់មិនអស់។ ដូច្នេះប្រសិនបើអ្នកយកទូរស័ព្ទចូលក្នុងបន្ទប់ទឹកនោះ វាអាចធ្វើឲ្យមេរោគទាំងអស់នោះតោងជាប់នឹងផ្ទៃទូរសព្ទ ក៏ដូចជាដៃ និងផ្ទៃមុខរបស់អ្នកប្រើប្រាស់ផងដែរ ។
លើសពីនេះទៅទៀត ការប្រើប្រាស់ទូរស័ព្ទក្នុងបង្គន់ក៏អាចនាំឱ្យកើតមាននូវជំងឺគ្រោះថ្នាក់ជាច្រើននៃពោះវៀន និងឈាម។ ជាពិសេសការអង្គុយក្នុងបន្ទប់ទឹករយៈពេលយូរក៏បង្កើនហានិភ័យនៃជំងឺឬសដូងបាតផងដែរ ។
– ដាក់ទូរស័ព្ទនៅជិតខ្នើយគេង
មនុស្សជាច្រើនតែងតែមានទម្លាប់ដាក់ទូរស័ព្ទដៃរបស់ពួកគេនៅក្រោម ឬក្បែរខ្នើយពេលគេង។ ដោយមានមនុស្សតិចណាស់ដែលដឹងថា ការធ្វើបែបនេះ គឺពិតជាមានគ្រោះថ្នាក់យ៉ាងធ្ងន់ធ្ងរចំពោះសុខភាព ព្រោះតែពន្លឺ LED ពីអេក្រង់រំខានដល់ការផលិតមេឡាតូនីន និងចង្វាក់ circadian របស់រាងកាយ ព្រមទាំងបណ្ដាលឲ្យមានការរំខាន់ដល់ដំណេករបស់អ្នកជាដើម ។
ក្នុងពេលជាមួយគ្នានេះ ក៏ត្រូវបានគេរកឃើញថាបរិមាណវិទ្យុសកម្មដែលបញ្ចេញដោយទូរសព្ទដៃគឺស្មើនឹងការបញ្ចេញដោយមីក្រូវ៉េវ។ យោងតាមសមាគមជំងឺមហារីកអាមេរិក បានលើកឡើងពីការព្រួយបារម្ភថា វិទ្យុសកម្មចេញពីទូរស័ព្ទដៃទាំងអស់នេះអាចបណ្ដាលឲ្យអ្នកប្រើប្រាស់កើតមាននូវជំងឺមហារីក និងដុំសាច់ខួរក្បាលនាពេលអនាគតផងដែរ ។
