ទឹកកាបូន គឺជាទឹកដែលត្រូវបានបញ្ចូលដោយឧស្ម័នកាបូនឌីអុកស៊ីតក្រោមសម្ពាធ ដែលជាទូទៅត្រូវបានគេយកមកបង្កើតជាភេសជ្ជៈដែលមានជាតិហ្គាស។ ហើយវាក៏ត្រូវបានគេស្គាល់ជាទូទៅថាភាគច្រើនមាននូវក្នុង ប្រភេទភេសជ្ជៈសូដា និងទឹកក្រូច ជាដើម… ។ ដោយភេសជ្ជៈទាំងអស់នេះ ក្រៅពីមានផ្ទុកនូវជាតិកាបូនជាធម្មតា វាក៏ត្រូវបានគេបន្ថែមអំបិលដើម្បីជួយបង្កើនរសជាតិផងដែរ ។
ជាមួយគ្នានេះក៏ត្រូវបានគេដឹងថា ការផឹកនូវភេសជ្ជៈដែលមានជាតិស្ករខ្ពស់ និងជាតិកាបូនទាំងអស់នេះ ភាគច្រើនត្រូវបានផ្សារភ្ជាប់ជាមួយនឹងជំងឺធាត់ និងជំងឺទឹកនោមផ្អែមប្រភេទទី២ ។ ក៏ដូចជាបានជះឥទ្ធិពលអាក្រក់ធ្វើឲ្យពុកធ្មេញ ជាដើម …។
យ៉ាងណាមិញ បើយោងទៅតាមវេជ្ជបណ្ឌិត Hughes បានធ្វើការពន្យល់ថា ភេសជ្ជៈដែលមានជាតិកាបូនគឺមានផ្ទុកនូវជាតិកាបូនឌីអុកស៊ីតរលាយ ដែលក្លាយទៅជាឧស្ម័ននៅពេលដែលវាក្តៅដល់សីតុណ្ហភាពរាងកាយនៅក្នុងផ្លូវ GI របស់អ្នក។
ជាងនេះទៅទៀត ការទទួលទានភេសជ្ជៈដែលមានជាតិកាបូនច្រើន មិនល្អចំពោះសុខភាពឡើយ ព្រោះវាមិនត្រឹមតែមិនល្អចំពោះសុខភាពតែម្យ៉ាងនោះទេ ។ ប៉ុន្តែវាក៏អាចបណ្តាលឱ្យមានការក្រហាយ ឬហើមពោះ និងរាគ អាចបណ្តាលឱ្យរាគ ព្រមទាំងធ្វើឲ្យមានការផ្លាស់ប្តូរមីក្រូជីវជាតិពោះវៀន និងធ្វើឲ្យមានការប្រមូលផ្តុំឧស្ម័នកាបូនឌីអុកស៊ីតនេះទៅកាន់ក្រពះពោះវៀនរបស់អ្នកកាន់តែច្រើនថែមទៀតផង ។
ដោយឡែក ក្នុងន័យនេះមិនមែនមានន័យថាគ្រប់ភេសជ្ជៈដែលមានផ្ទុកនូវជាតិកាបូនទាំង់សុទ្ធតែធ្វើឲ្យខូចសុខភាពទាំងអស់នោះទេ ។ តែផ្ទុយទៅវិញ អ្នកអាចទទយលទានភេសជ្ជសៈដែលមានជាតិកាបូន និងជាតិស្ករខ្ពស់ទាំងអស់នេះបាន ប៉ុន្តែនៅក្នុងករណីដែលចាំបាច់ ឬយូរៗម្ដងប៉ុណ្ណោះ ។ បន្ថែមពីនេះប្រសិនជាអ្នកចង់ទទួលទាន អ្នកក៏គួរតែធ្វើការជ្រើសរើសនូវប្រភេទដែលមានជាតិកាបូនតិចបំផុត ក៏ដូចជាជាតិស្ករទាបបំផុត ផងដែរ ។
