រាជធានីភ្នំពេញ ៖ បើយោងតាមគណនីហ្វេសប៊ុកឈ្មោះ Mao Chandara បានរៀបរាប់ពីគុណប្រយោជន៍ដ៏ល្អប្រសើរពីស្លឹកត្រចៀកក្រាញ់ចំពោះស្បែកមុខ ដោយម្ចាស់គណនីរូបនេះបានបញ្ជាក់ថា «ស្លឹកត្រចៀក​ក្រាញ់ ជួយអោយស្បែកមុខ ស្រស់ថ្លា ភ្លឺរលោង!
នារីៗណា ដែល​ផ្ទៃមុខ​ទៅ​លឿន​ជាង​តួលេខ​អាយុ​របស់​ខ្លួនឯង​នោះ…ពេលនេះ សូម​ឈប់​កង្វល់​បារម្ភ​ទៅ ព្រោះ​ស្លឹក​ត្រចៀកក្រាញ់​អាចជួយ​អ្នក​បាន ដូច្នេះ​បើ​ចង់ឱ្យ​ផ្ទៃមុខ ត្រឡប់មក​ក្មេង​ជាង​វ័យ​វិញ​នោះ សូម​សាកល្បង​ធ្វើតាម​វិធី​ដូចខាងក្រោម​នេះ(ងាយៗ និង​ធានាថា មិន​ខកបំណង​ឡើយ ៖

ទទួលបានព័ត៌មានថ្មីៗទាន់ហេតុការណ៍រាល់ថ្ងៃ សូមចូលទៅកាន់ Channel Telegram KBN News

ទឹក​ស្លឹក​ត្រចៀកក្រាញ់ មិនមែន​គ្រាន់តែ​សម្រាប់​ផឹក បំបាត់​អាការ​គ្រាំ​ក្នុង​ប៉ុណ្ណោះ​ទេ តែ​នៅ​អាចជួយ​ឱ្យ​យើង​ត្រឡប់មក​មាន​ផ្ទៃមុខ​ស្អាត ក្មេង​ជាង​វ័យ និង​ស្រស់ថ្លា​បាន​ទៀតផង…។
វិធី​ធ្វើ ក៏ងាយៗមែនទែន គឺ​គ្រាន់តែ​ដើរទៅ​ផ្សារ រក​ទិញ​បន្លែ​ស្លឹក​ត្រចៀកក្រាញ់ ហើយ​យកមក​លាង ឱ្យ​ស្អាត រួច​យកទៅដាក់​ចូលក្នុង​កែវ​ម៉ាស៊ីន​ក្រឡុក និង​ក្រឡុក​កិន​វា ឱ្យ​ល្អិត ឬក៏​បុក​ឱ្យ​ល្អិត​នឹង​ត្បាល់​ក៏បាន។ បន្ទាប់ពី​នោះមក ចូរ​ពូត​វា យកតែ​ទឹក មក​បំពោក​មុខ ទុកចោល​ប្រមាណ 10នាទី រួច​សឹម​លាង​សម្អាត​ចេញ។

ចូរ​ឧស្សា​ហ៏​ធ្វើបែបនេះ ឱ្យបាន​ជាប់​ជាប្រចាំ តែ​ប៉ុណ្ណឹង ផ្ទៃមុខ​ស្រស់ថ្លា ស្អាត ក្មេង​ជាង​វ័យ នឹង​ត្រឡប់​មករក​អ្នក​វិញ ជាថ្មី​ម្តងទៀត​មិន​ខាន៕ ប្រភព ៖ Mao Chandara