រាជធានីភ្នំពេញ ៖ កញ្ញា រ៉ូលីន ឬ ហៅថា Miss PhotoCity នោះគ្រប់គ្នាប្រាកដជាបានស្គាល់ច្បាស់រួចហើយ ដែលតារាប្រុសតុបតែងខ្លួនជាស្រីរូបនេះ តែងតែផ្តល់នូវសំណើចសប្បាយរីករាយមិនចេះរីងស្ងួត តាមរយៈទេពកោសល្យដុងសិល្បៈដ៏ពូកែទាំងពហុជំនាញ និងការនិយាយកំប្លែងដ៏គួរឲ្យចាប់អារម្មណ៍ ខណៈពេលថ្មីៗនេះកញ្ញា រ៉ូលីន ហាក់មិនទាន់រកឃើញគូស្នេហ៍នៅឡើយ ស្របពេលដែលអ្នកគាំទ្រជាច្រើនកំពុងតែទន្ទឹង និងរង់ចាំដំណឹងល្អផងដែរពីតារារូបនេះ។
ក៏ប៉ុន្តែនាពេលថ្មីៗនេះ កញ្ញា រ៉ូលីន បែរជាបង្ហោះរូបភាពមួយចំនួនក្នុងលក្ខណៈកំប្លុកកំប្លែងរហូតធ្វើឲ្យអ្នកគាំទ្រ ក៏ដូចជាមហាជននៅក្នុងបណ្តាញសង្គមហាក់ផ្ទុះសំណើចដោយមិនទុកស្អែក។
គួរបញ្ជាក់ផងដែរថា ក្នុងរយៈពេលប៉ុន្មានឆ្នាំចុងក្រោយមកនេះកញ្ញា រ៉ូលីន ហាក់មានសម្រស់ស្រស់ស្អាតប្លែក ជាពិសេសគឺនៅពេលដែលតារារូបនេះតុបតែងខ្លួនក្នុងសំលៀកបំពាក់ជានារី ដែលធ្វើឲ្យបុរសជាច្រើនហាក់លង់នឹងសម្រស់ដ៏ស្រស់ស្អាតរបស់នាងផងដែរ៕