ក្រុងឡុងដ៍៖ ក្រុមអ្នកវិទ្យាសាស្រ្ដ នៃសាកលវិទ្យាល័យ Oxford ចក្រភពអង់គ្លេស កាលពីពេលកន្លងទៅនេះ បានសិក្សារកឃើញថា វ៉ាក់សាំងបង្ការកូវីដ-១៩ AstraZeneca បច្ចុប្បន្ន អាចការពារទប់ទល់ ប្រឆាំងនឹងវីរុសបម្លែងខ្លួនថ្មី Delta (B.1.617.2) និងវីរុស Kappa (B1.617.1) ដែលកន្លងមក គេស្គាល់ជាវីរុសបម្លែងខ្លួនថ្មី ត្រូវរកឃើញ នៅក្នុងប្រទេសឥណ្ឌា ( Indian Variants) ។
វ៉ាក់សាំងនេះអាចប្រតិកម្មប្រឆាំងនឹងវីរុសបម្លែងខ្លួន Delta និង Kappa គឺអាចធៀបជាមួយនឹងអ្វីដែលបានមើលឃើញ ប្រឆាំងនឹងវីរុស Alpha (B.1.1.7 ដែលពីមុនស្គាល់ថា Kent ) និង Gamma (P.1 ដែលពីមុនស្គាល់ថាជាវីរុសបម្លែងខ្លួននៅប្រេស៊ីល) ។ ជាមួយគ្នានេះ សុខាភិបាលសាធារណៈអង់គ្លេស (PHE) បានបង្ហាញថា ការចាក់វ៉ាក់សាំងបង្ការកូវីដ-១៩ AstraZeneca ចំនួន២ដូស គឺមានប្រសិទ្ធភាពខ្ពស់ ទប់ទល់ប្រឆាំងនឹងវីរុសបម្លែងខ្លួន Delta ដោយមានកម្រិតការពារស្រដៀងគ្នាទៅនឹងវីរុសបម្លែងខ្លួន Alpha ផងដែរ ៕