រាជធានីភ្នំពេញ៖ គិតចាប់តាំងពីយុទ្ធនាការចាក់វ៉ាក់សាំងបង្ការកូវីដ១៩ ជូនដល់ជនស៊ីវិល រួមមាន មន្រ្ដីរាជការ និងប្រជាពលរដ្ឋ ក្រោមក្របខ័ណ្ឌរបស់ក្រសួងសុខាភិបាល ចាប់ពីថ្ងៃទី១០ ខែកុម្ភៈ រហូតដល់ថ្ងៃទី២ ខែមីនា ឆ្នាំ២០២១ បានកើនឡើងដល់ជាង៣០ ០០០នាក់។
លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលកម្ពុជា បានបញ្ជាក់ នៅក្នុងសេចក្ដីជូនព័ត៌មានដល់សាធារណជនថា ចំនួនអ្នកដែលស្ម័គ្រចិត្តចាក់វ៉ាក់សាំងកូវីដ-១៩ (Sinopharm Beijing Institute of Biological Products) ពីថ្ងៃទី១០ ខែកុម្ភៈ ដល់ថ្ងៃទី២ ខែមីនា ឆ្នាំ២០២១ ៖
១.សរុបអ្នកមកចាក់វ៉ាក់សាំងកូវីដ-១៩ ៖ ៣៩ ៥០៨នាក់ (ស្រី ១ ២៤០៤នាក់) ។
២. អ្នកបានចាក់វ៉ាក់សាំងរួច៖ ៣៣ ២១១នាក់ (ស្រី ៩ ២០៥នាក់)។
៣. អ្នកដែលគ្រូពេទ្យមិនអនុញ្ញាតឲ្យចាក់៖ ៦ ២៩៧នាក់ (ស្រី ៣ ១៩៩នាក់)។
