បរទេស៖ ក្នុងរយៈពេល២៤ម៉ោងកន្លងមកនេះ បណ្ដាប្រទេស ចំនួន១០ នៅតំបន់អាស៊ាន មានតែប្រទេស២ប៉ុណ្ណោះ មិនមានករណីឆ្លងថ្មី នៃកូវីដ-១៩ រួមមាន ប្រទេសឡាវ និងប៊្រុយណេ ប៉ុន្ដែប្រទេសចំនួន៨ផ្សេងទៀត មានទាំងកម្ពុជាផងដែរ មានករណីឆ្លងថ្មី សរុបជាង១,២ម៉ឺននាក់។
បើតាមគេហទំព័រ WORLDOMETER បានចេញផ្សាយ នៅវេលាម៉ោង៩ព្រឹក ថ្ងៃទី២១ ខែកុម្ភៈ ឆ្នាំ២០២១ថា ករណីឆ្លងថ្មី នៅក្នុងតំបន់អាស៊ាន មានចំនួន ១២ ៨៦៩នាក់ និងករណីស្លាប់ថ្មី ចំនួន៤១៣នាក់ ធ្វើឲ្យចំនួនអ្នកឆ្លងសរុប ២ ៣៤០ ៩៦០នាក់ ស្លាប់ ៥០ ៧៨១នាក់ អ្នកជាសះស្បើយ ២ ០៥៤ ១២៩ និងអ្នកកំពុងសម្រាកព្យាបាល ចំនួន ២៣៦ ០៥០នាក់ ហើយក្នុងនោះមានអ្នកឈឺធ្ងន់ ៩៩៤នាក់។
ឥណ្ឌូនេស៊ី នៅតែជាប្រទេស មានអ្នកឆ្លងជំងឺកូវីដច្រើនជាងគេបំផុត នៅក្នុងតំបន់អាស៊ាន។ ប្រទេសនេះមានអ្នកឆ្លងថ្មី ៨ ០៥៤នាក់ និងករណីស្លាប់ថ្មី ១៦៤នាក់។ ប្រទេសនេះមានអ្នកឆ្លងកូវីដ១៩ សរុប ១ ២៧១ ៣៥៣នាក់ ស្លាប់ ៣៤ ៣១៦នាក់ អ្នកព្យាបាលជាសះស្បើយ ១ ០៧៨ ៨៤០នាក់ និងអ្នកកំពុងសម្រាកព្យាបាលចំនួន ១៥៨ ១៩៧នាក់។
ហ្វីលីពីន មានអ្នកឆ្លងថ្មី ២ ២៣០នាក់ និងករណីស្លាប់ថ្មី២៩៣នាក់ ធ្វើឲ្យចំនួនអ្នកឆ្លងសរុប បន្ដកើនឡើងដល់ ៥៥៩ ១៦៣នាក់ និងស្លាប់១២ ០៦៨នាក់។ ក្នុងចំណោមអ្នកជំងឺទាំងនោះ មានអ្នកជាសះស្បើយ ៥១៣ ១២០នាក់ និងអ្នកជំងឺចំនួន ៣៤ ១០០នាក់ កំពុងសម្រាកព្យាបាល ហើយក្នុងនោះមានអ្នកឈឺធ្ងន់ ៧៨៦នាក់។
ម៉ាឡេស៊ី មានអ្នកឆ្លងថ្មី ២ ៤៦១នាក់ និងករណីស្លាប់ថ្មី ៨នាក់ ធ្វើឲ្យប្រទេសនេះ មានអ្នកឆ្លងសរុប ២៨០ ២៧២នាក់ និងស្លាប់ ១ ០៥១នាក់។ ក្នុងចំណោមអ្នកជំងឺទាំងនោះ មានអ្នកជាសះស្បើយ ២៤៤ ៧៥៣នាក់ និងអ្នកជំងឺ៣៤ ៤៦៨នាក់ផ្សេងទៀតកំពុងសម្រាកព្យាបាល ហើយក្នុងនោះមានអ្នកឈឺធ្ងន់ ២០៧នាក់។
មីយ៉ាន់ម៉ា (ភូមា) មានអ្នកឆ្លងថ្មី ៧នាក់ និងមានករណីស្លាប់ថ្មី២នាក់ ហើយប្រទេសនេះ មានអ្នកឆ្លងសរុប ១៤១ ៧៣៥នាក់ និងស្លាប់ ៣ ១៩៦នាក់។ ក្នុងចំណោមអ្នកជំងឺទាំងនោះ មានអ្នកជាសះស្បើយ ១៣១ ២៤៩នាក់ និងអ្នកជំងឺចំនួន ៧ ២៩០នាក់ផ្សេងទៀតកំពុងសម្រាកព្យាបាល។
សិង្ហបុរី មានអ្នកឆ្លងថ្មី ១២នាក់ តែមិនមានករណីស្លាប់ថ្មី។ ប្រទេសនេះ មានអ្នកឆ្លងកូវីដ-១៩ សរុប ៥៩ ៨៥៨នាក់ និងស្លាប់២៩នាក់។ ក្នុងចំណោមអ្នកជំងឺទាំងនោះ មានអ្នកជាសះស្បើយ ៥៩ ៧១៩នាក់ និងអ្នកជំងឺចំនួន១១០នាក់ផ្សេងទៀតកំពុងសម្រាកព្យាបាល ហើយក្នុងនោះមានអ្នកឈឺធ្ងន់ម្នាក់។
ថៃមានអ្នកឆ្លងថ្មី ៨២នាក់ តែមិនមានករណីស្លាប់ថ្មី ហើយប្រទេសនេះ មានអ្នកឆ្លងសរុប ២៥ ៣២៣នាក់ និងស្លាប់ ៨៣នាក់។ ក្នុងចំណោមអ្នកជំងឺទាំងនោះ មានអ្នកជាសះស្បើយ ២៤ ១២៩នាក់ និងអ្នកជំងឺ ១ ១១១នាក់ កំពុងសម្រាកព្យាបាល ហើយក្នុងនោះមានអ្នកឈឺធ្ងន់ម្នាក់។
វៀតណាម មានអ្នកឆ្លងថ្មី៦នាក់ តែមិនមានករណីស្លាប់ថ្មី ហើយប្រទេសនេះ មានអ្នកឆ្លងសរុប ២ ៣៦៨នាក់ និងស្លាប់៣៥នាក់។ ក្នុងចំណោមអ្នកជំងឺទាំងនោះ មានអ្នកជាសះស្បើយ ១ ៦២៧នាក់ និងអ្នកជំងឺ ៧០៦នាក់ផ្សេងទៀត កំពុងសម្រាកព្យាបាល។
កម្ពុជា មានអ្នកឆ្លងថ្មី១៧នាក់ មិនមានករណីស្លាប់ ហើយកម្ពុជាមានអ្នកឆ្លងកូវីដសរុប ៥៣៣នាក់។ ក្នុងចំណោមអ្នកជំងឺទាំងនោះ មានអ្នកជាសះស្បើយ ៤៧៣នាក់ និងអ្នកជំងឺចំនួន៦០នាក់ផ្សេងទៀត កំពុងសម្រាកព្យាបាល នៅក្នុងមន្ទីរពេទ្យរបស់រដ្ឋ។
ប្រ៊ុយណេ មិនមានអ្នកឆ្លងឆ្លងថ្មី និងមិនមានករណីស្លាប់ថ្មី ហើយយប្រទេសនេះមានអ្នកឆ្លងសរុប ១៨៥នាក់ ស្លាប់៣នាក់។ ក្នុងចំណោមអ្នកជំងឺទាំងនោះ មានអ្នកព្យាបាលជាសះស្បើយ ១៧៨នាក់ និងអ្នកជំងឺ៤នាក់ កំពុងសម្រាកព្យាបាល។
ឡាវ មិនមានករណីឆ្លងថ្មី និងមិនមានករណីស្លាប់។ ប្រទេសនេះមានអ្នកឆ្លង សរុប៤៥នាក់ និងមានអ្នកព្យាបាលជាសះស្បើយ ៤១នាក់ ហើយអ្នកជំងឺចំនួន៤នាក់កំពុងសម្រាកព្យាបាល៕
