ក្រោយពេលចូលទៅជ្រក នៅក្រោមដំបូល Galaxy Navatra កំពូលតារាចម្រៀង លោក ព្រាប សុវត្ថិ បានចាប់ដៃជាមួយនឹងតារាចម្រៀងស្រីវ័យក្មេង សំឡេងស្រួយស្រឹប កញ្ញា តន់ ចន្ទសីម៉ា បានច្រៀងផ្ដោះផ្ដងក្រមិចក្រមើម រហូតធ្វើឲ្យរដ្ឋមន្រ្ដីក្រសួងព័ត៌មាន លោក ខៀវ កាញារីទ្ធ ចូលទៅស៊ែរ ឌឺដងដាក់ឲ្យកូនចៅថែមទៀតផង។
ផលិតកម្ម Galaxy Navatra បង្ហើបឲ្យដឹងថា បទចម្រៀងរបស់កំពូលតារាចម្រៀង លោក ព្រាប សុវត្ថិ បាន និងកំពុងផ្ទុះស្ទើរគ្រប់បទ ដោយមានអ្នកចូលទស្សនាខ្ទង់លានដង ក្នុងមួយបទៗ។ ក្នុងចំណោមបទចម្រៀងថ្មីទាំងនោះ លោក ព្រាប សុវត្ថិ បានចាប់ដៃគូជាមួយនឹងតារាស្រីពន្លកថ្មី កញ្ញា តន់ ច័ន្ទសីម៉ា ដូចជាបទ «គ្រប់យ៉ាងព្រោះតែមេ»… ជាដើម។ អ្វីដែលគួរឱ្យចាប់អារម្មណ៍ខ្លាំងបំផុតនោះ មួយបទខាងលើនេះ គឺរដ្ឋមន្ត្រីក្រសួងព័ត៌មាន លោក ខៀវ កាញារីទ្ធ បានចូលទៅទស្សនា និងស៊ែរ (ចែករំលែក) នៅលើគណនីហ្វេសប៊ុកផ្ទាល់ខ្លួនរបស់លោកផងដែរ។
ផលិតកម្ម Galaxy Navatra បានបន្ថែមថា ការដែលលោករដ្ឋមន្រ្ដីក្រសួងព័ត៌មាន ចូលទៅទស្សនា និងស៊ែរនោះ មិនមែនជារឿងធម្មតានោះទេ ហើយនេះចាត់ទុកជាមោទកភាព និងគជ័យយ៉ាងធំធេងរបស់ផលិតកម្ម Galaxy Navatra ផងដែរ។
ដើម្បីឲ្យដឹងថា បទនេះមានអត្ថន័យយ៉ាងណា សូមទស្សនាទាំងអស់គ្នា៖